Popular Bible Verses from Deuteronomio 11

Share

Chib'ij i tzij le chke iwak'al, chi iwachoch xaq pa taq b'e, are kixwarik xaq are kixwalijik.

Chik'olo i tziji pinojb'al xaq pik'ux, re k'utb'al re, chixima che uqul i'ab', xaq chinak'a chwach ikrusil.

Yix we ki'ano chrij pacha kub'ij i tzij pixab' chi xinya chiwe wo'or, xaq we lik k'ax kina Iwajwal Dios, xaq kikoj u'ij ru' ronojel ik'ux xaq ru' ronojel iwanima, I Ajwal ku'an ni che i jab' chi kpe pu'ijlal, are kjeqan i alaj xaq are kk'isik, man keje ile yix lik kimol ni i trigo, uwa'al uva muqb'am xaq i aceite.

Lik ij ij k'ax china Iwajwal Dios, xaq chi'ana chrij pacha kub'ij u'atb'al tzij, utaqanik xaq utzij upixab'.

Che i iji, kinya chiwe kicha upam pachike kiwaj che i keb' tziji: Are utzil chomal o are i k'oqb'al. Kya' ni utzil chomal chiwe we kixkojon che utzij upixab' Iwajwal Dios, chi xixintaq che wo'or. Kya' ni k'oqb'al chiwe we kixterej chkij i jub'an chik dios chi etamam ti kiwach, xaq we kiqel utzij upixab' Iwajwal Dios, xaq we kijek' iwib' che i b'e chi xixintaq che wo'or.

Chitz'ib'aj che i aqan xaq chwach taq uchija re iwachoch, man keje ile yix xaq iwak'al lik naj na kixk'asi chwach ulew chi xusujuj i Ajwal chke iwatit imam, ik'aslemal le keje na pacha i kaj chi naj uwach puwi ulew.

Xwiri lik chi'ana kwent iwib' mixt'ortajik, miwo'taj kan i Ajwal Dios rumal ukojik ki'ij i jub'an chik dios; xaq mixxuki taq chkiwach