Popular Bible Verses from Deuteronomio 10

Share

Wo'or ix aj Israel ¿Wach taq mas wa kutz'onoj Iwajwal Dios chiwe? Xwi chiya u'ij xaq lik chixb'in pub'e, k'ax china xaq chikojo u'ij ru' ronojel ik'ux, ru' ronojel iwanima, xaq chi'ana pacha kub'ij utzij upixab' xaq u'atb'al tzij, man keje ile lik utz kixel ru' ronojel ni'pa ki'ano.

man Iwajwal Dios lik are Ire Dios pkiwi konojel i k'iyal taq dios, xaq are Ire Ajwal pkiwi i k'iyal taq ajwal, Ire lik are i Dios chi o puwi ronojel ni'pa i olik lik nim ucho'ab', xaq lik rajwaxik chi kikoj u'ij, Ire kuya ti uwach ru' jun chik xaq kuk'ayij ti rib' rumal jun sipon.

Lik chik'olo piwanima i k'utb'al chi re i trat chi xu'an Iwajwal iwu' mi'an chik ile chi lik ix b'uy laj taq winaq

Ire lik suk'ul i atb'al tzij ku'an chke i ak'alab' chi nti chik kiqajaw kichuch xaq chke i je malkan, k'ax knanik, kuya uwa xaq kukoj u'u' i ajposar chi je o chixol yix.

Rumal Ire kixb'ixanik man are Ire i Dios, chi u'anom nimaq taq anik iwumal yix xaq lik iwilom i lo'laj uchomal.

Chiya u'ij Iwajwal Dios xaq lik xwi Ire chikojo u'ij; lik chikub'a ik'ux che Ire, we kiwaj kisujuj jun b'iroxik, chi'ana pub'i i Ajwal.

Chikojo retalil chi Iwajwal Dios re Ire ronojel i kaj xaq ronojel ni'pa o puwi i kaj, xaq ronojel ni'pa jyub' ta'aj xaq ronojel ni'pa o chwach.

Rumali yix lik k'ax cheina i aj naj chi je o chixol, man chk'un chik'ux chi yix xaq ix keje te'eq pacha ike chi ix aj naj chkixol aj Egipto.