Popular Bible Verses from 2 Tesalonicenses 1

Share

Rumali lik arewi kojlapan ru' i Dios piwi yix. Kqatz'onoj che chi lik chu'ana utz chiwe pacha i kmajawik, chi ix sik'tal rumal Ire; rumali lik kqatz'onoj che i Dios chi ru' ucho'ab', chuya ni chiwe kixtiki chu'anik pacha i kmajawik. Xaq kixuto ni chu'anik ni'pa i chak chi ki'ano, rumal ukub'ib'al ik'ux che Ire.

Lik suk'ul uri, chi i Dios kupetsaj ni uyej pkiwi i kipetsam uyej piwi yix. Wo'or ix o chupam uyej, xwiri, chixuya ni Ire pa uxlanem, xaq keje pacha ku'an chqe yoj. Keje ku'an ile are kuriq i ij chi kk'un i Ajwal Jesús chi kwinaqir li chikaj junam ku' u-ángel lik nim kicho'ab', kek'un chupam pacha urep a'.