Popular Bible Verses from 1 Tesalonicenses 5

Share

Lik arewi chixkikotoq. Arewi lik chixlapan ru' i Dios. Chitioxij che i Dios ronojel ni'pa kik'ulmaj. Ile are kraj i Dios chi ki'an yix chi ix re chik i Jesucristo.

I Dios chi kyaw i uxlanb'al qak'ux, kintz'onoj che chi Ire ku'an chiwe lik ix ch'am pik'ux. Kintz'onoj che chi lik kixuchajij k'a are kk'un chik i Qajwal Jesucristo man keje ile lik nti jun utz taj kuriq chiwe, mitene piwanima, mitene pik'ux, xaq mitene che ich'akul. Ire chi xixusik'ij ru', lik arewi kuya i utz chke i je re Ire; xaq lik utz ku'an ni ronojel ile.

Jun, we u'anom i utz taj chiwe, mitzalij uwach che; are chitija i ij chu'ankil i utz chiwach, xaq che ronojel uwach i jyub' ta'aj.

Rumali, chiya ukowil ik'ux, xaq lik chito iwib' chiwach, pacha i kixtijin chik chu'ankil le.

Xaq lik kqab'ij chiwe, i qachalal chwach i Cristo, cheipixb'aj ni'pa i kkaj ti chak; chiya ukowil kik'ux ni'pa i nti qas ukowil kik'ux; xaq cheito ni'pa i qas ti jikil kik'ux che i Dios; xwiri o uchak o unimal ik'ux chke konojel.

I Dios xojusik'ij ti ru' re yab'al qe pa tojpen; Ire xoju'ulu man kqariqb'ej re i qelb'al chisaq rumal i Qajwal Jesucristo.

Iwonojel yix ix re i saq; ix re i pa'ij. Oj re ti cha'ab'; xaq oj re ti equmal