Popular Bible Verses from 2 तीमुथियुस 4

Share

जसीकैं एक निको सिपाई लड़ाई में लगातार लड़ाई लड़नै रूछो, उसीकैं मैंले उ काम पुरो करछ्य जो मसीह यीशु ले मैंस करून खिन दी रैछ्यो। और मसीह में म्योरो विश्वास हमेशा मजबूत रियोछ।

बखत बुरो या भलो हो तैं हर बखत परमेश्वरा का बचन को प्रचार कर खिन तैयार रौ। तैंस लोगून समझून चैछो कि उनूनले कि गलत करछ्य और उनार पापून खिन उनून डाँठ लागून चैछी। मगर धैर्याक दगाड़ सिखून चैछो और उत्साहित करून चैछो।

क्याखिनकि इसो बखत आलो जब लोग सच्चो वचन स सुणून नी चाला, मगर अपूनी इच्छाक अनुसार उन इसा उपदेश दीन वालान खोजाला जो उन बातुन सिखाला जो उन सुणून चानान। और जो परमेश्वरो को सच्चो बचन सिखूनान, उन, उन लोगून की सुणून नी चाला, पर पुरानी झूठ्ठी कथा कहानीन सुणून चाला।

लेकिन तैं हर बखत अपून पास शान्त राख, और हर प्रकारा का दुखून सहन करनै रौ। तैंस कड़ी मेहनत करभेरन सुसमाचार को प्रचार करून छै और परमेश्वरो को दास हुना का नाता तैंस उन सब कामून करून छै, जो प्रभु ले तैंस सौंप रैछ।

अब प्रभु ले मैं खिन ईनाम राखिना को छै, क्याखिनकि मैं इसो जीवन जी छै जो ऊस खुश करछो। हमोरो प्रभु यीशु मसीह जो सच्चाई ले न्याय करछो, उ मैंस उ दिना ईनाम द्योलो जब उ न्याय करून खिन वापस आलो। मगर यो ईनाम सिर्फ मैंस नी द्योलो बल्कि उनून सबून ले जो वफादारी का दगाड़ प्रभु उनाको इंतजार करून मर्यान।