Popular Bible Verses from तीतुस 1

Share

उन झूठ्ठी शिक्षा दीन वाला कुंनान कि हम परमेश्वर स जाणनू, लेकिन उन अपून काम ले दिखूनान कि उन जाणना। क्याखिनकि उन नफरत ले भरिना का छन और हुकुम नै मानून वाला छन और उन कोई ले भल काम करून योग्य नाहातिन।

उन लोगून खिन जिनारा मन में बुरा बिचार नाहातिन, सब चीज नियम का अनुसार शुद्ध छन, लेकिन उन लोगून खिन जो बुरा छन जो यीशु मसीह में विश्वास नै करना, जो कुछ ले उन करनान उ ठीक नै करूना

ऊस यीशु मसीह का बचनून में मजबूती ले विश्वास करून चैछो जो हमूले ऊस सिखाईना को छ्यो। ताकि उ दुसरान सही शिक्षा मानून खिन हिम्मत दी सकून, और दुसरान का गलतिन ठीक कर सकून।

क्याखिनकि अगुवान परमेश्वरा का मुन्सी हुना का कारण निर्दोष हुन चैछो; नै जिद्दी, नै क्रोधी, नै पियक्कड़, नै मारपीट करनवालो, और नै नीच कमाईको लालची हो। और घर में आईना का मेहमानून की इज्जत करून वालो, दुसारा लोगून खिन भलाई करून वालो, हर हालात में अपून में काबू राखून वालो, सच्चो न्याय करून वालो, धर्मी, और पवित्र जीवन जीन वालो, अपूनी इच्छान में काबू करून वालो हुन चैछो।

जो निर्दोष, और अपून घरवाली का प्रति वफादार, और जिनारा बच्चाले विश्वासी हुन, और उन शरीराक इच्छान में चलूनवाला नै हुन, और ईजा-बबा को आदर करूनवाला हुन।