Popular Bible Verses from 2 तीमुथियुस 3

Share

पुरो पवित्रशास्त्र परमेश्वरा का प्रेरणा द्वारा लिखीना को छै। यो लोगून सिखून खिन, डाट-फटकार लगून खिन, गलतिन सुधारून खिन और उनून सिखून खिन हमून खिन फैदामन्द छै। ताकि परमेश्वर की सेवा करूनवाला आदिमी सिद्ध बनून और हर प्रकारा भल कामून करून खिन तैयार होज्यौ।

तीमुथियुस जो बात मैं अब तैथैं कुछूँ, ऊस ध्यान ले सुण कि आखरी दिनून में यीशु मसीह का वापस उना है पैलि भौत बुरो बखत आलो। क्याखिनकि लोग अपून बारिमें सोचाला, और धना क लोभी, डीगमार, घमंडी, और दुसरान को बुराई करूनवाला और ईजा-बाबको हुकुम नै मानून वाला, एसान नै मानूनवाला और अपवित्र, निर्दयी, माफ नै करनवालो, दोष लगूनवाला, अपून आप में काबू नै राखून वाला, जालिम, भलाई भटे बैर राखून वाला, विश्वासघात करून वला, ढीठ, अभिमानी, और परमेश्वरा का नै बल्कि सुख-विलास का चानवाला होलो। उन इसो दिखावा कराला, जसीकैं उन परमेश्वरा का भक्त करनान, लेकिन उन परमेश्वर की सामर्थ स नी मानाला, इसा लोगून है बचभेरन रया।