Popular Bible Verses from Looma 2

Share

We wu li mu utsundasa ba bubaavanga mamabi, ka we li mu uvanga bumosi we bo! Mu we ti we upeke tsundusu a Nzambi? Buve, we bubwe bu bunene bwa Nzambi ubaapenye, mu mukami a nde na bunene bu mutima a nde? We a hayabi ve ti bubwe bwa Nzambi buli mu ubita we hu usobo mbiili?

Ni mu buuna, pasi wu we li, we wu ubaatsundasa bana, we utwala uleele ve ti we ayaabi ve. Bu we ubaatsundasa bana, we li mu usyembe we mwakulu. Mu toni ati, we wu ubaatsundasa bana, we kaka ubaavanga mamabi we bo.

Mu toni ati, Nzambi a hubaasa burandu mu baatu ve.

Ni mu buuna, a ba bali mu uyuha Mikele bali ba baakuha ŋa busu bwa Nzambi ve, ka ni ba bali mu usalila myo, buuba ba baakuha.

Ilumbu mohiina, Nzambi usyende muutu muutu we bu huli mavanga ma nde.

Ka Nzambi umwese kesi na ifwefwe hya nde, huli boosi ba bubaatunala nde na ba bubaasiila nde kene. Mbiili moyiina, yibaatelemene imbuli na yibaasingasala mavanga mamabi.

Ka mu toni a kamini mutima a we, we a hasobo mbiili ve. Buuna, we li mu ukuukaha ŋa yulu a we mwakulu kesi yinene, mu ilumbu hi Nzambi humwese kesi a nde, na tsundusu a nde ya tsiitsa.