Popular Bible Verses from Looma 1

Share

Me a handi na tsonyi mu uyaabisa Musamu wu Mubwe ve, mu toni ati, Musamu wu mubwe ni matwala ma Nzambi ali mu usalila, mu uyobolo pasi nde wu li mu usiila nde imiinu. Hati a tsomi mu Bayudaayo, titswene mu Bangeleke.

Ni mu buuna, Musamu wu Mubwe li mu umwese bunuubu: Nzambi ubaatsikaha butsiitsa bwa baatu, mu tangu yi bo bali mu usa hiitu mu nde, we bu baasonehe mu ma Ngidi: «Mutsiitsa uba monyi mu imiinu.»

Mu toni ati, umata bu Nzambi havangi tsi, mbiili a nde yi yibaavelemonehele, yi yili matwala ma nde ma nzyeni, na bu nde ali, bibaamonehele mu mavanga ma nde. Ni mu buuna, bo utwala uleele ti bo a bayaabi ve.

Bo bayaabi Nzambi. Ka bo a bubaakinza nde ve, na bo a bubaayusa nde we bu hwafwana ve. Bo baamiidunga hutso matsimi ma maavele lisuunga, na mitima mya bo, mi myavele buyedi, myamiisohomo hutso a pipidi.

Bo bubaasobo imbuli hya Nzambi mu mapfuta, bo bubaakunda na bubaasalila mavanga ma Nzambi ŋa mbuha Muvangi a tsi, wu baasyeme mu bilima na bilima. Ameni!

Umata hu yulu, Nzambi ubaamwese kesi a nde huli baatu ba bubaaveleyusa nde na ba bubaavanga mamabi. Bo bali mu upfubaha imbuli mu ngaabi a bo.

Ni mu buuna, Nzambi hayeholo bo mu ubaavanga ma tsumihili. Bakadi ba bo, a bali mu ubwepfuuta taangi na balumi ba bo ve, buuna bo ubaapfuuta taangi aka bomo na bomo bakaasu. Bumosi kaka huli babahala, taangi upfuuta na bakadi ba bo ve. Bo bali mu upfuuta taangi bomo na bomo babahala, maana mavanga ma tsonyi. Na bo bali mu uyaka tsyembili yi yayelemene na udunga hwa bo. Bu bo baabisi uyaaba Nzambi, Nzambi atiimbi bo ŋa busu bu buyedi bwa bo bu bwadunga, na bo bali mu uvanga ma maavelefwaana.

Bo bali mu ubinuha ti bo na buyedi, ka bo baamiiyama maladi. Ŋa mbuha uva muyusu huli Nzambi wu avelekwa, bo bubaakunda bifwita, bifwani bya baatu ba bubaakwa, banyunyi, banyama ba miilu mina, na banyama ba bubaayene mu bali.