Popular Bible Verses from Málkúsi 16

Share

Ńdé á mbū pɔ́p ŋ́gɛ: «Pɛ egʉɔ ŋkʉ́ʼne á ŋgɔŋ esī atsetsáʼ ntsem, ńtswī ŋke mbɔŋ á mbū nzwɛt ŋiŋnɔŋ ntsem.

Epuɔ pīi pɔ́ e shʉʼ evéŋ, meŋkʉʼne anu muɔ páʼa, e shʉʼ eghʉ mɛ́ ezhɛ́ á wɔ́p: pɔ́ e shʉʼɛ elɔkɔ lezēŋ tsá, éjuŋɔ mesī ánɛ epuɔ, éshúŋnɛ melāʼ, mbɔ pɔ́ la zíʼnɛ ɛ́. Pɔ́ shʉʼɛ ndɔ̄k mbū mɔ́p ŋgɔ̄ nnū, kɛɛ́ nnú mecɔp lɛ̄ɛ, mbɔ amɔ̄ʼ azō á gɔ le wɔ́p ghʉ. Pɔ́ shʉʼɛ ezápa mbū mɔ́p á athū megaŋ agɔ, pɔ́ etʉ̄ɛ̄. »

Ŋiŋ yīi a á véŋ ŋke mbɔŋ mɛ́t, mɛ́ noʼ á yí á ntshi, a a shʉʼ etswɛ́te. Ŋiŋ yīi a ka véŋ ɛ́, a eláʼ ndákne.

Megaŋ nnɔ Yɛɛ́so ntsem é pú ŋgʉ̄ɔ, ŋ́kʉ́ʼne ejʉʼ tsem ntswī ŋke mbɔŋ. Atsyapuɔ á nɔŋ ntswítɛ á wɔ́p ánɛ afaʼ jʉɔ mɛ́t, ḿbiŋɛ ŋghʉ̄ɛ pɔ́ ghʉɛ meŋkʉʼne anu, e nɔŋ ntswīi á légɛ, ŋke mɛ́t é fhɔ́ɔ á mbū Ndém.]

Tɛ́ á lé á mbū pɔ́p ŋ́gɛ: «Ndɛ́ʼ pɛ ezéŋ ncɔ̄ʼ, meŋ á zhɛ́ ŋ́gɛ, pɛ faʼa á Yɛɛ́so ŋiŋ Naázalɛt, páʼ mɛ́ ke kwɛtē á yí ánɛ mbaŋne paŋné. A á nzím ánɛ lewhʉ̄. A te zɛ́t ega á. Ajʉʼ zīi mɛ́ ke féŋ á yí éwú, a ejʉɔ.

Ŋ́gʉɔ ŋkó éwú, ńcʉte njʉ́ɔ mbɔ, mɛ́ mbēkne á mía mía tɔ́ mɛ́t, á nchu lesi. Pɔ́ zíʼ ŋkó á ntē lesi, ńjʉ́ɔ mmɔʼ mɔ́ ŋgwɛso á náŋ á esī á ŋkɔʼɔ́ apū ete, ḿmāʼ á fhɔ́ nzhó, pɔ́ jʉ́ɔ épúp, ḿbú ncɔ̄ʼ tɛʼ.