Popular Bible Verses from Málkúsi 13

Share

Epuɔ metsem e shʉʼ epú epa á wɛ́ melaʼ mīi, pɛ é epuɔ pá. Táʼ, ŋiŋ yīi a á ŋíŋ ánɛ meŋ tɛ ndáʼ nzōko, Ndém a eghʉ̄, a etswɛ́t. »

Páʼ pɛ ka zhɛ́ afʉʼ zīi, menu mɛ́t e shʉʼ egɔ́ɔ lā, pɛ elāk athū zɛ́, ndɛ́ʼ ŋiŋ á lí.

Mɛ́ shʉʼɛ ŋgɔ̄ á wɛ́, ńnɔ̄ŋ eshūŋnɛ á wɛ́ ndɔkɔ ŋgʉ̄ɔ mé mvhɔ asāʼ, ndɛ́ʼ pɛ eté njhʉ̄ nzāp nnɛ̄t ŋ́gɛ, pɛ e kó elé egɛ akɔ̄ lɛ́. Afʉʼ mɛ́t á shʉʼɛ ŋkūʼ, Ndém á ghʉ̄ lɛ pɛ elé lɛ akɔ̄ lɛ́, pɛ elé épúp, melaʼ mīi aziɛ́ afʉʼ, pɛ mé le zɛ́t eshúŋnɛ ɛ́, Azwakne zí mé ecʉ́ʼɛ eshúŋnɛ ajʉʼ pɛ.

Lephū pɔ́ esī atsetsáʼ e fú epú emii, táʼ, ashuŋne zá a epú nzɛ́t áa épúp.

«Táʼ, ŋiŋ a gɔ le zhɛ́ aleʼé zīi, menu muɔ mɛ́t é gʉɔ mé ntɔ́kɔ ɔ́, ḿbīŋ le njhʉ̄ zhɛ́. Mecɔʼ Ndém á athʉ́ lephū é té si nzhɛ́ɛ azɔ́p ɔ́, tɛ mbɔɔ Méŋ Ndém. Ndém Mɔʼɔ́ yíléyī mé si nzhɛ́ɛ.

Pɛ shʉʼɛ nnáŋ tɛ njúʼ mɛ́ nɔ̄ŋ ŋghítɛ ncu á ntē alāʼ, ńnɔ̄ŋ ŋghítɛ ncu yīi é si eshʉ̄ʼɛ, ndɛ́ʼ pɛ epɔ́k. Ecʉɔ etsō mɛ́t é pɔŋteé á lezi mvhɔ ntɔ́k, tɛ́ ŋké le ndɔ̄kɔ ŋ́gɛ, ŋgɔŋ e gɔ ezho emi í.

Púp, ndɛ́ʼ ŋiŋ á lí, melaʼ mīi pɛ ka zhɛ́ afʉʼ zīi, ŋgaŋ mba a gɔ á ŋkɔ́ʼ ɔ́. Kɛ a a kɔ́ʼ eseéŋ‑njhʉ̄ lɛ́, kɛ tée‑etsōʼ lɛ́ɛ, kɛ ŋkʉɔʼ a ge etɔ́ŋ, tɛ́ a ekɔ́ʼ lɛ́ɛ, kɛ a a kɔ́ʼ nzemɛ́nzēm lɛ́ɛ. Ndɛ́ʼ á ge etɔ́kne á wɛ́, pɛ enɔ̄ɔŋ ndíi. Anu zīi meŋ ndʉ́ɛ́ á mbū pɛ lā, meŋ mbúu ndʉ́ɛ́ á mbū epuɔ metsem, ŋ́gɛ: ndɛ́ʼ ŋiŋ á lí. »

Epuɔ taʼ alāʼ e shʉʼ enáŋ tɛ epʉ́ʼɛ nnɛ̄t, égʉɔ elʉɔ́ʼ amɔ̄ʼ. Mmɔʼ efɔ a elū á esī, ńdʉɔ́ʼ mmɔʼ. Atsáʼ a ecʉ̄ʼne ejʉʼ ejʉʼ, afʉɔne a ewhʉ̄. Menu muɔ mɛ́t e gɔ́ páʼā, ŋ́gɔ́ nzií ŋgʉɔ̄ʼ, ŋ́gʉɔ̄ʼ menzwí yīi, mɔ́ a á si nzīi á lezāŋ á yí.

Á gɔ́ɔ lɛ, mɛ́ eké nté njhʉ̄ ntswī ŋke mbɔŋ á mbū ŋgɔŋ ŋgɔŋ, tɛ́ menu muɔ mɛ́t e etɔ́k.

Epuɔ tɛ nzáne é shʉʼ elɔk lezēŋ tsá, éshʉʼ á mvhɔ pɛ, awíɛ awíɛ a enɔŋ ndʉ́ɛ́ ŋ́gɛ, yí mé Nzaʼ‑Ŋkhʉ. Élé épúp, élɔk eghʉ, atʉtʉ epuɔ a efhó ánɛ mɛnzhɛ mbɔŋ ntó.

Pɛ egē enáŋ, ńnɔŋ mbípɛ ntií ŋgʉɔ̄ʼ zīi, é gɔ eshʉʼe ánɛ pɛ. Mɛ́ e shʉʼ eshuŋne á wɛ́, élɔk egʉɔ mé mvhɔ asāʼ, égɔ á wɛ́ á ntē meŋgyā aswiŋte, étswá. Éshuŋne á wɛ́, élɔk egʉɔ á mvhɔ wɔ sáʼ‑ŋgɔŋ pɔ́ a mefɔ, pɔ́ eŋāk á wɛ́, melaʼ mīi pɛ é epuɔ pá. A egɔ́ épúp, pɛ elɔk eshúŋ á wɔ́p á ajū mīi, pɛ é si nzhɛ́ɛ ánɛ meŋ.

Emɔ̄ʼ epuɔ e shʉʼ elu á esī, étáŋ mela gɛ, pɔ́ é wɔ Nzaʼ‑Ŋkhʉ, emɔ̄ʼ e etáŋ mela ŋ́gɛ, pɔ́ é metswi‑ŋke Ndém, énɔŋ eghʉɛ meyiŋne anu pɔ́ meŋkʉʼne anu, élɔkɔ epɔptɛ epuɔ, tɛ ŋgɔ́ yīi, pɔ́ gɔ ezéŋ ḿbɔ̄pte epuɔ pīi, Ndém a le tsɔ́ʼ á wɔ́p, ŋ́gɛ pɔ́ egɔ́ epuɔ pí.

A láʼ ekuʼ ánɛ meleʼé mɛ́t, afʉʼ ŋgʉɔ̄ʼ a etɔ́k tɛ mmī, lezēk nu e epí, lezēk saŋ é le zéŋ ejʉʼ ŋkɛ̄ʼɛ ɛ́. Mecɔʼ saŋ e efhó á lephū esóʼo mbwɛ̄t á esī, ecū mīi, é pɔɔ́ŋ mbʉʼ á lephū, e ecʉ́ʼɛ ncʉ̄ʼne cʉʼne.