Popular Bible Verses from Málkúsi 12

Share

Yɛɛ́so á pwɛt ŋ́gɛ: «Mía lepé Ndém e ecuɔ páʼa: “Epuɔ Islaɛl, pɛ ejúʼ, Atsyapuɔ Ndém yímpɛ mé ndaʼ Atsyapuɔ. Kɔŋ á Atsyapuɔ Ndém wu mé ntē wú ntsem, mé athū nnɛ̄t jú ntsem, mé akwaŋte jú ntsem, mé mete mú ntsem.” Páte é gɔ́ ecʉɔ páʼa: “Kɔŋ á ŋiŋ ntsem páʼ athū nnɛ̄t jú lā.” Mmɔʼ lepé tsīi é faáŋ ntsyā emuɔ mɛ́mbīa, é té éwú ú. »

Yɛɛ́so á pfeŋte megaŋ nnɔ pí, ńdé á mbū pɔ́p ŋ́gɛ: «Meŋ a shúŋ á wɛ́ á kwaʼ anuúnē: azi ajūɔ ŋgaŋ ŋgʉɔ̄ʼ mpfók menzwí wuɔ zīi, a á maʼ á ntē túŋ ncup Ndém, á pú ntɔ́k azi epuɔ metsem. Epi emɔ̄ʼ epuɔ é maʼ áa methū ŋkāp mɔ́p. Ḿbiŋ ŋgɔ́ mé yí, mbɔ a á pú mmāʼ azí akʉ̄ɛ zīi a wɛɛ̄, á azí ajūɔ tsem zīi a lɔɔ̄k nnáŋ. »

Yɛɛ́so á gɔ́ á Mía Ŋgyā Ndém, ńnáŋ ncʉ̄te á túŋ ncup Ndém, ńnɔ̄ŋ njʉ́ɔ páʼ alāʼ á si nnéŋɛ ŋkāp á ntē túŋ mɛ́t épúp. Megaŋ ajūɔ apa tɛ nzá, é nɔŋ nnéŋɛ memía meŋkāp. Mmɔʼ ŋgaŋ ŋgʉɔ̄ʼ mpfók menzwí á shʉʼ azí, ńnéŋ mezízí ŋkāp epak pīa, é zi mbú te azō kuʼ.

Ŋiŋnɔŋ á piŋ mbɔ́ŋte á lekɔŋ á yí mé ntē yí ntsem, mé akwaŋte zí ntsem, mé mete mí ntsem. Ńzéŋ ŋkɔ̄ŋ á ŋiŋ ntsem, páʼ athū nnɛ̄t zí méŋwɛ̄t lā. Ŋiŋ a ghʉɛ épúp, á gɔ́ mbɔŋ, ńtɔ́k á leyā azō ndɔk ŋgūʼte á Ndém, a tɔɔ ndɔ̄kɔ ŋgūʼtɛ á Ndém, ńtɔ́k ajūɔ tsem zīi a yáa, ḿbú ndɔkɔ ŋgūʼtɛ á Ndém. »

Yɛɛ́so á lɛ ndé á mbū pɔ́p ŋ́gɛ: «Á gɔ́ épúp, ajū mīi á azi ŋwɛ́t ŋgɔŋ Lóma, pɛ eyá á mbū yí, a zīi á azi Ndém, pɛ eyá á mbū Ndém. » Pɔ́ júʼ épúp, á pú ntsyā á wɔ́p tɛʼ.