Popular Bible Verses from Pwede abwa 14

Share

Éngɛ mmɛ zo etsoʼ deʼ ga ezob kpe, “Ŋwɛʼrɛ ebwa wunɔ, m̀bɔ̀nɔ ye ebe abɔ kudu byɛ e ma ku ene ekumu Masakɛ nyɛrɛ zeʼe ànchwɔ̀ sa ngɔ̀ɔ embè ngɛ.” Azhwɛɛrɛ ga kpe, “Ɔ̧̀ɔɔ! Angɔ ba ngo ku̧ru ene efwɛʼ àmɔ̀ mbɔʼnga eleabwa ǹchwɔ̀ angɔ shi kiri angɔ.”

Abwa zɔnɔ gimkpaʼ na tee kpe bɔ Ngwe le eklinitaa. Abɔnɔ na angɔ byɛ e ma shi atsɛrɛ gɛ̀rɛ̀ me shi ebɛrɛtaa àmɔ̀ ene Yeso é me kama ngɛ.

Engɔ ga ene etsoʼ kɛkɛ kpe, “Mbɔn bum Ngwe, ndɛʼ eghɔ ebe engɔ enga endzobo tsɛrɛ esɛʼ ngɔ shi koʼo, mbɔn ghɔ engɔ mbɔʼnga engɔ à ndeere ezob mane chwâ, ebɔrɔndim mane emumun ndim.”

Angere nùrù tɛd tɛʼ amɔ achim angɔ ma ku̧u ene angwa etsoʼ kpe, “Abɔ byɛ e ma ghɔ enyɛm ǹgɛ̀ yɛ à gli efwɔ ebɔrɔndim mane azhi mɔ, e bwɛ enɛ̂ mɔ ekɔshi àmɔ̀ kà ebwo àmɔ̀ ngɛ, angɔ gɛrɛ ba ngo ŋwɔ mɔm eboo Ngwe myɛ, engɔ me ge efwɔ ǹtoʼ eboo mɔ ngɛ! E ba ngo zɔ ǹgoʼ ene éwu wɛ e ma bɛ̀rɛ efàarà engere mane ŋwɔ ǹglɔ̀ ngɛ. Enjiʼewu wɛ e ma ndɛʼ ǹgoʼ ebe angɔ ngɛ, yà sa ngɔɔ embèembè. Ekuru deʼ yà me tsɛʼ ebe abɔ byɛ e ma ghɔ nyɛm yɛ ǹklì mane nchi ngɛ bo. Ne éngɛ e ma ngo mwɔ nè gho deʼ wɛ ma ngo le anɛ̂ enyɛm zɔnɔ ngɛ.”

Éngɛ mmɛ kɔʼ gɛrɛ zɔ ŋwɔ ǹglɔ̀ me tam edɔm egu Zayɔ̀n. Bɔ 144,000 me tamma nè ǹglɔ̀ yɛ gɛ̀rɛ̀ me ŋwɛʼrɛ ekumu ngɔ mane ekumu Àtɛ mɔ ekɔshi àmɔ̀.

Éngɛ mmɛ zɔ angere tsɛrɛ ma fùrù ekere àkɛ. Engɔ à ne zeʼe nè ekɔn ǹchwɔ̀ wɛ e me tye ekyɛ ŋwaʼ ngɛ, é sɛ̀ɛrɛ̀ ebe abɔ byɛ e ma tsɔmɔ a chwâ ngɛ; m̀pèrè bɔ gimkpaʼ, bɔ efwɔ m̀pèrè akla gimkpaʼ, efwɔ ebɛ gimkpaʼ, bɔ nè m̀pèrè atsoʼ gimkpaʼ mane bɔ efwɔ m̀pèrè ebe gimkpaʼ.

Éngɛ angere nùrù fyee kiri ma gà kpe, “Engɔ shi go! Angwa abɛ Babilɔn shi go! Ngwe shi le ebɛ gimkpaʼ ŋwɔ amɔm ngɔ myɛ à ma le bɔ ma nde ese ngɛ!”