Popular Bible Verses from Kòlosè 3

Share

Mbə̀ ya nyìmbe fìŋ tì bəd bə̀ wàʼa inug tibɔ̀ŋ mbe ne bəd gughi inən. Mbə̀ waʼ inug tibɔ̀ŋ bəd icheg ne Anɔŋisəg ya fə bi waʼ ìmbən tì inug tibɔ̀ŋ.

Mbə̀ nɔŋɔ ìtən tikɔndi məyi igun ighi mbe ne yaʼi ikaŋ àbɔ̀ŋɔ, kayi igun ighi mbe ne yaʼi igun isəg.

Kə̀ àzən àfàʼì kə aghə, mbə̀ ya fàʼà ane fìŋ ifibì. Mbə̀ niŋ gha mbə̰ ya fàʼà abə Anɔŋisəg, kayi abə wə̀d.

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye. Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

Anug kyen igun inug mbo̰ ijìm ya gha, mbə̀ ya kɔ̀ŋɔ̀ bəd məjìm imbə̀ʼ icheg ne à ya àkɔ̀ŋì ze nyìme inug ijìm ane mbi imɔʼ.

Icheg ne Ŋwiye fə zwemni awən ane iwu tì Kristo, mbə̀ si nɔ̀ŋì ìtən fìŋ igun ighi mbe ne yaʼi ikaŋ àbɔ̀ŋɔ, igun asiŋi ne Kristo chughi angu aba abo jəghi Ŋwiye.

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

Mbə̀ nɔŋɔ ikɔndi ane imbə̀ʼ icheg ne mbə̰ ya fə ku abə ighi igun isəg. Si ya gha, Ŋwiye fə nə̀m ìwən ìtḛ̀ ikye abo abə Kristo.

Àsi amad anìŋ, mbəʼ mənyìʼ waʼ tiku inug te. Inug mbe ya inug icheg: agaŋ tì iswḛ fɔrɔ adɔʼ. Imbə̀ʼ mbə̰ ya chìkə̀ awən tikum bəd. Imbə̀ʼ mbə̰ bə bḛ awən gha ìngam zu zu duwə inən ichug.

Icheg ne mbə̀ fə waʼi ìwən ikuchèg anun we ne yaya tḭ̀yḛ̀ awən mbə ghìyə̀ inug mbe ne ìtən nyàmnyɔd te ghə̀ʼrə̀, imbə̀ʼ mbə̰ ya ghàmà awən inug ako igun mə̀mbin. Amad anìŋ, mbə̰ fə bèrì ikuchèg feg. À ya Ŋwiye ya nàʼi ikuchèg feg gho̰ ni gha mbə̀ taŋ kyèri aməd we ne ghi mbə bèrì ikuchèg feg we.

Mbə̰ mənɔm, mbə̀ ya kɔ̀ŋɔ̀ ìmbən mə̀yi. Imbə̀ʼ mbə̰ ya ghàmà tɔ awən inɔb.

Mbə̰ bɔn, mbə̀ ya zùgrə ìmbən mə̀mbaʼ fɔrɔ ìmbən mbì ngɔb kwàʼ ane inug ijìm imbə̀ʼ icheg ne à ya ikuchèg ne Anɔŋisəg kə̀bi gha mbə̀ bere.

Mbə̰ mə̀yi, mbə̀ swi ìwən nyɔd aseg abə ìmbən mənɔm imbə̀ʼ icheg ne à ya aghi ne Anɔŋisəg kə̀bi gha mbə̀ faʼa.