Popular Bible Verses from Lûm 3

Share

Nâʼà ghɨghe əkɨ̂m ə nə̀yn pi, wùə vîvè kwəynə̂ va se kyî epomsê ə Fezhə̀zè. Təm əchûŋ ə Fezhə̀ghè ə nə̀yn, Zhə̀fè fe fe njî ghɨghe kə ghɨ chichighe. È və fo fùʼ ə vəynke kè sə ndô. È nəyn zamə kə Njisə̀s Klâys nyi mə È və fo ngɨŋə̂ Vəyn se sɔzà əghɨ ghɛ ə ghe pomə sê Vəyn.

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

Zhə̀fè tè fo Vəyn kə emâʼte nə È kwu ə ghâsènì ətu. Ə ghɨə kyi lɛsè efo ə ghɛ pize kûmə̀ kə ghənə pomə sê Vəyn. Zhə̀fè tè nəyn zɨnə mə se tyə̀yn nə zhi nyi chichi. Ə̀ tè nyì sə shi, Zhə̀fè e kolə ə̀təm sê ghɨə Vəynghe, pɔynsə̂ va ghɨ ghɛ ə tè nə ghɛ əpighe. Pîza fa ashìŋə̀ è nyi mə È və tyə̀yn se ghɨghe nə È nyiə nə̂ ə̀ghɛ chichi, mə È və tyə̀yn se ghɨghe əkɨ̂m nə Zhi tə fiə ndò nâʼàpî ndè vɛ ə è pomə sê Njisə̀s.

Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

Ə nyàʼ ə ŋwàʼlè ə Fèzhə̀ nə, “Wùə vîvè va chichi. Wùə va pî èmɔ̀ʼ ə è nyi chichi. Wùə vîvè va ə è fɛte ke səmɔʼ kûmə̀ Fèzhə̀, wùə vîvè e va vɛ ə è sò mndyàyn se ke Fezhə̀. Ghɨghe əkɨ̂m ə tə Zhə̀fè. Ghənə əkɨ̂m ə kə̀mnè kyi tsɨnè èpi. Wùə se ghənə nə̂ va ghɛ zɛ ə ze nyi chichi. Nâʼà èmɔ̀ʼ ə ghənə ə fètəyn va.

Ghâsènì ə fe nə wùə nyi chichi ə Zhə̀fè ə shi kûmə̀ èpomə̂ ə vəyn sê Njisə̀s ə̀ vachi kûmə̀ è ndə̂m ə vəyn zə alàŋzè.

E va zâ! Zhə̀fè nyîə zâŋsə̀ nə̂ èghɛ zɛ ə Fe nyi mə fə tsɨ̀nè, pi kə ghɨ msɔ̀ŋghe əkɨ̂m nyi əghɨ akaŋə. Ə nyàʼ ə ŋwàʼlè ə Fèzhə̀ nə, “Ə ò pì ghɛze, ghɨə kyi ndô se fe nə ghɛ zɛ ə ò pì nyì səmɔʼ. Ezhoghɛ ə saʼa gho, o saʼa endom vɛ ə ve nyi chichi.”