Popular Bible Verses from Lûm 4

Share

È tè paʼà mɛnê nə Zhə̀fè nə̀ nə̂ èghɛ zɛ ə fe pî. È və pɨlə pomə ndûə kə Fèzhə̀ èshike, ə fo ètsîtè se Zhə̀fè eghɛ zɛ ə fe tè nyì se nə̀yn. È tè nyîə fɛte ke ke nâʼà səmɔʼ nə ghɛ zɛ ə Zhə̀fè tsɨ̀nè, Fe nə̀ nə̂ zəynze.

Ə nyàʼ ə Ŋwàʼlè ə Fèzhə̀ nə Zhə̀fè tè pì sê Aplàghâm nə, “Mə nə̀yn nə o nyi pɨ̀a sê ndaʼà tekɨ̂m.” Nyiəmə Aplàghâm pɨ̀a ghâsènì ə Zhə̀fè əshi. Zhə̀ fɛ ə Aplàghâm pomə nyi Fezhə̀ fɛ ə Fe fo ndamze sê ghɨ ghɛ ə nyi mə ə kwu, ə̀ nyi Fəynfe ə Fe pîə ghɛze mə ze va, ze ə kyànə̀.

Ə̀ nyi Njisə̀s ə Zhə̀fè tè fo nə È kwu kûmə̀ ə̀ghɛ ə piə ghasènìghe. Zhə̀fè tè zòmse vəyn kə ghâsènì kyi ndomve sə̂ nyi chichi ə Vəyn əshi.

Aplàghâm ə tə pomə̂ Zhə̀fè ə ndə̀mə̀ ə̀təm ə və sê Fəynfe, pi kə ghɨ msɔ̀ŋghe tè fe ə ghənə endom, ghɛ zhîze tè va ə ze tè tyə̀ynə nə ghɛ ghɛ ə Zhə̀fè pì nə ghe tə kyanə̀ ndò tə kyanə̀. È və tə pomə nə, “Zhi tə nə̂ ə zhi ə nyi pɨ̀a sê ndaʼ tetsɨəte” kə Zhə̀fè tè tsàyn sê vəyn nə, “Ghâŋ fefe tə nə̂ ə fe ə tsɨə kə kə mlî”

Ə̀ nyi kûmə̀ nə ghɨə pomə̂ ndò se Zhə̀fè, ə ze tə nə̂ nə ghənə kyi fɨa vɛ è nyi mə è və tsɨnè. È və nə̀yn nyiəmə kə ze tyəyn nə ə̀ nyi ətəm ə vəynghe chûŋghè ə ghe nə̂yn nə È tsayn mɨsè shîŋə̀ zemɔ̀ʼ sê ghâŋ fə Aplàghâmfè nə È tə fo ndò fɨa kɛ ə è tè tsɨ̀ne sê ghənə. È tè paʼà fo ke tsɨ̂nèzè se ghɨ ghɛ ə ghe tè ndə̀mə lâŋkè, È tè fo kepî sê ghɨ ghəkɨ̂m ghɛ ə tè pomə Zhə̀fè kə Aplàghâm tè pomə. Aplàghâm nyi pɨ̀a sê ghâsènì əkɨ̂m.

Ndàfît tè pi nə, “Pɔsêzè nyì sê ghɨ ghɛ ə Zhə̀fè nyi mə fə lɛ̀sè fo tsas tə ghənə̂tè, ə zə̀sə̀ sèpi sə ghənə̂sè. Pɔsêzè nyì se wùə vɛ ə Pɛ̂pɛ Zhə̀fè tə fɨnə kwaʼtə̀ va ghɛ ə Vəynghe pighe.”

Ŋwàʼlè ə Fezhə̀ pi nə, “Aplàghâm ə tə pomə̂ Zhə̀fè, kûmə̀ èpomə̂ ə vəynze, Zhə̀fè ə njìə vəyn kə wùə chichi ə və shi.”