Popular Bible Verses from Mateyu 7

Share

Lenganji mulipochelela; vyambanji mulizana; kong'onsyanji, muliyiyulilwa.

Amuno wensi wino akulenga akapo­chelela nawensinye wino akukong'o­nsya a'kakwiyulilwa

Achaleka wensi wino akwivwa amazwi yane yanye-yaa nukuyatontela wakolana numuntu wamano wazenzile ing'anda yakwe pemfuzi.

Achaleka ivintu vino mukalonda wanji wawachitila avino namwenye muwawachitila: amuno lyonye-lyoo ali­sundo lyakwe Musa nimisambilizizye yawatumwa.

Ukuwa impongolo mfyenenkane ninzila yino yalungama kuwumi antale, yeni wano wakayizana wali watichi.

Yinjilanji pampongolo mfyenenka­ne, amuno impongolo wemwasa ninzila yino yalungama kwilowelwe yapepuka, munzilanye yoo ayino awavule waka­pita.

Ukuwa ndimwemwe mwe­wawipe, mwamanya ukupa awana winu ivintu vizima, fwandi ye Umonsi winu wino ali mwiyulu alilutilizya ukupa wano wakamulenga ivintu vizima!

Mutize muwapanzya wanji, alya­kuti namwe Leza atize yize awapa­nzye— amuno ipanzyo lino mukupa­nzizya wanji alino namwenye Leza ali­wapanzizya, namasundo yano muku­nyepela wanji ayano namwenye muli­nyepelwa.

Ukuwa wensi wino akwivwa ama­zwi yane yanye-yaa nanti kuyatontela wakolana numuntu mutumpe wino wazenzile ing'anda yakwe paluselesenga.

Ngafwandi amuno chani chino ukulola akaswaswa mwilinso lyamunyonko, ukuwa nanti kupechela ichintu chino chili mwilinso lyako? Ngafwandi unganena umunyoko wuli uti Leka nkufule akaswaswa kano kali mwilinso lyako, pano nawe ichimuti chili mwilinso lyako?

Muwachenjela nawatumwa wawu­fi: wano wakwizanga kwemwemwe awalanga kulonde wakuloleka ngati ang'onzi, ukuwa mukasi ampumpi nka­ngu. Mwandi muwawamanyila kumi­limo yawo. Imiti yamyunga isikoma ivikomwa, nkololwe asikoma amaku.

Umuti wuvunde wukakoma iviko­mwa vizima, ukuwa umuti wutuze, wukakoma ivikomwa viwipe.

Umuti wuvunde wutanga wukome ivikomwa viwipe, numuti wutuze wutanga wuko­me ivikomwa vizima.

Umuti wonsi wuno wusikoma ivikomwa vizima wu­kaputulwa awusumbilwa mumulilo.