Popular Bible Verses from Mateyu 6

Share

Achaleka fwandi, ukulusye mutele muvwambe Uwufumu wakwe nukulonda kwakwe, ngapano aliwonjelezya vyonsinye vyoo.

Achaleka mutize muwapechela ivya­mutondo; amuno umutondo wukayipe­chela uwenecho wonga. Chisi achizima ukonjelezya intazi kuntazi mbuye izya­mutondo kuzyilelo.

Achaleka nkuwanena nkuti, Mutize muwapechela ivyakulya nivyakung'wa ukuti muwe nuwumi, nant'avyakuzwala kumiwili yinu. Amuno wuzye uwumi wutakula walusya ichakulya? Nawo umuwili wuzye wutakula walusya ivi­zwalo?

Ukuwa wenji uwala pano ukupepa, uyinjila mung'a­nda uyiyala ichisakati, nga upepa ku Monsi wako, wino ali ukuvwame. Ngapano Umonsi wako wino akalola vino ukuchitanga munkama, akulambu­le.

Achaleka fwandi muwa­pepa wonye-woo muwati, Tata witu wamwiyulu: Izina lyako itele lichindikwe; uwufumu wako wize; ukulonda kwako kuchitwe munsi ndivino mwiyulu

Utupe sweswe ichakulya chilelo.

Ututetele sweswe ukuwifya kwitu, ndivino naswe tukatetela wano wakawifya kwesweswe.

Utize uwatutwala mukwelezwa, ukuwa utupulumusye ku Muwipe.

Amuno ndi mukatetela wanji ku­wuwipe wawo wuno wawachita, namwe­nye Umonsi winu wino ali mwiyulu aliwatetela.

Simutele mulole ivinyunyi vi­no vikapapuka: visitanda, nant'akusi­nza ukuti vilonge munkoma; ukuwa a Monsi winu uwamwiyulu awino akavi­sayila! Wuzye mutakula uwuzi mwalu­sya ivinyunyi?

Mutize muwayisengulila insawo yinu munsi moo, muno akawunguzi ni­miloso vikakonona, muno nawang'o wakalepula ing'anda awiwa. Ukuwa yisengulilanji insawo yinu mwiyulu, muno akawunguzi nanti amiloso vitanga vyonone, nawang'o watanga walepule winjile wiwe. Amuno penye umwezo wako wukukunjililanga kuno kuli insa­wo yako.

Pasi wino angawombela imfumu ziwili; angalele apate yonga akunde imbuye; pamwi achindike yonga akwe­lengule imbuye. Mutanga muwombele Leza mbali nukuwombela indalama.

We Leza awino akazwika isote—isotenye lino likulanga lilipo ilelo, mutondo alisowa napano lyaya, alisuumabilwa mumulilo. Wuzye atanga azwike mwemwemwe alutilizye, oko mwe wisuwilo tichi-mwe?

Ukuwa uwala pano ukwavwa umusa­luke uwasochelela alyakuti nanti achi­wuza chakonye chitize chimanye, ule­ka achiwa achankama yako. Ngapano Umonsi wako, wino akalola vino ukuchita munkama, ayize akulambule.

Chenjelani alyakuti mutize mu­wachita imilimo yinu imizima iya­nkumbu palwenze ukuti awantu wawa­lole vino mukuchita. Ndi mukulanjizya imilimo yinu imizima palwenze wowo­nye, ye mutalilambulwa ichilambu nu Monsi winu uwamwiyulu.

Achaleka pano mukukana ukulya umwenzo mutize muwayilanjizya impu­mi mfwilimane ndivino wakachenjezya wakachita. Weni wakwikalanga nimpu­mi mfwilimane ukuti walolwe nawantu kuno watalile chimwi. Yizukani choo! Wapochelela ichilambu chawo chonsi lyankani. Muwala ndi mutalile chi­mwi amusamba kuminso amusakula ninyele zinu, alyakuti awantu wanji watize wamanye ndi muli ninzala—suka Umonsi winunye wenga-nsu, wino ali ukuvwame, awino amanye. Ngapano Umonsi winu, wino akalola vino mukachita munkama, awalambule.