Popular Bible Verses from Matiu 27

Share

Naba tanhi thiloi, mae Jisas ne eha eghu fabiꞌo, “Eli, Eli, lema sabakatani?” Gaoghathogna na, “Nogu God, nogu God, naugna unha sagho te tei koko ghau iara gnea?”

Kate lehe mae Jisas na, pohe biꞌo teke gefe soru ke lamnagna Sugablahi na ne breku pea funu kligna thoke pari. Eghuteuna nakheu biꞌo na ne nghali nauthoglu na, eghuteuna thina biꞌo re ne phike pea. Aonu bekure ne thora, eghuteuna kmana naikno nogna God teke lehe tifa ra ne kafe kegra fapulo ka karha. Eghuteuna mare ne jifla mei ka bekudire. Ke leghugna te kegra fapulo mae Jisas na, naikno teke kegra fapulo igre ne tei Jerusalem. Eghuteuna, kmana naikno ne filodi mare.

Ka vido tuana, mae Jisas neke eha fabiꞌo, ne lehe.

Ka vido tuana kaisei mae biꞌodi hatimare mae armi nei keha mae soldia teke reireghini mae Jisas igre ne mhaghu nodi fara ka nakheu igne, nei gobigna lepo te edi ka narane tuana. Mare ne cheke eghu, “Tutuani fara, mae igne thofno Thugna God!”

Fari hotei naublatha, namono te gnafa ke lamnagna nauthoglu igne ne kafe romno funu tanhi nabotho phei thoke ka tanhi thiloi.

Mae Paelat neke ghusna eghu, “Unha nate eni iara ranghini mae Jisas te kiloi mae Kraes igne?” Mare ne kafe thagru fabiꞌo, “Tupijuruni ka gaju fafatha!” Mae Paelat neke ghusna eghui ka mare, “Naugna unha te mala faleheni iara mae igne? Unha najafra biꞌo teke eni mana na?” Mare ne kafe thagru eghu fabiꞌo fara, “Tupijuruni ka gaju fafatha!”