Popular Bible Verses from Matiu 26

Share

Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha te doglo na, nu thinimu iagho na nigra fara.”

Mana ne cheke eghu ka mae Pita nei phei thugna mae Sebedi, “Iara gne biꞌo fara ka diꞌanagnafa, eghuteuna iara la namo lehe ka igne. Ghotilo au agne mala dofra balugu iara.”

Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Waen igne dadaragu iara, farerhetagna nhaꞌa cheke majaghani te eni God ka nogna naiknore. Dadara igne thofa mala fakarhidi naikno kmana, mala hata fadelei God nakhibodi re.

Kate ima mare na, mae Jisas hata keha bret ne cheke fakelini ka God. Mana piepike ne tufa ka nogna mae fanomhore, ne cheke eghu, “Hata bret igne ima. Bret igne thinigu iara.”

Aonu mana jaola ne hata hinao te fodu ka waen na ne cheke fakelini ka God. Mana tufa ka nogna mae fanomhore ne cheke eghu, “Ghotilo te gnafa na koꞌu waen igne.

Aonu mae Jisas neke pulo ka thilo mae fanomhore ne filodi thilomare te thuru teure. Mana ne cheke eghu ka mae Pita, “Ghotilo theome tangomana te dofra balugu iara kaisei aoa na sia?

Iara chekeni ka ghotilo igne, iara ginauna theome ko'uni kaisei waen ke leghugna igne ghilei thoke mei narane nate ko'uni iara waen majaghani na balumi ghotilo ka nogna nauthoglu majaghani mae Mama.”

Aonu mae Pita neke ghathoni unha teke cheke eghu mae Jisas ia, “Ame taitanhi nga khokorako na teuna, iagho ginauna thilo fata chekeni ne theome lase ghau iara teuna.” Aonu mae Pita jifla kosi ne tanhi ne srudu balu diꞌanagnafa.

Kegra haghe, tei noda! Filo si ghotilo, igne tela mei mae ihei nate snakre lao ghau iara ka khamedi mae te diꞌare!”

Mae Jisas ne cheke eghu ka mana, “Ghema, lilisei fapulo nou naflahi na. Iheire te gnafa te magra ka naflahi na ginauna kafe lehe ka naflahi.