Popular Bible Verses from Matiu 28

Share

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi. Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Engel na ne cheke eghu ka phei gaꞌase re, “Thosei mhaghu. Iara lase ghami ghopa hironi mae Jisas, mae ihei teke tupijuru mare ka gaju fafatha ia. Mana theome au agne. Mana kela kegra fapulohi glehe, jateula teke chekenihi mana ia eghu. Mei si ghopa filoni aheva teke au thinigna mana na.

Mae Jisas ne cheke eghu ka repa, “Thosei mhaghu! Tei cheke ka nogu mae fanomho iara ra mala tei Galili, eghuteuna mare ginauna filo ghau iara jare.”

Aonu kate faidu mae pris ulu baludi keha mae biꞌodi mae Jiu gre, mare ne tusu lao sileni biꞌo fara ka mae soldia re. Mare ne cheke eghu ka mae soldia re, “Ghotilo cheke eghu, ‘Nogna fanomho mae Jisas re thuru neu ghehati ne mei blau thinigna mana na.’ Jame te nomhini gavana Paelat eigna igne, ghotilo thosei mhaghu, ghehati ginauna togho ghami ghotilo mala toutonu ka mana eidi lepo igre.” Aonu mae soldiare hata fofoli ka mare ne leghuni unha te chekeni mae pris ulu igre. Eghume nodi thoutonu mae soldia igre ne tei krepa tongana fari hoteidi mae Jiu, ne ghilei mei thoke ka narane gognarogne.