Popular Bible Verses from Jị'cavacdye' 14

Share

Seꞌveꞌ yụ yocsiꞌ mạyedyeꞌches p̂eyacdyeꞌ yiꞌ jin yụ: —Sáñevaꞌ ọij p̂eyacdyeꞌ yiꞌ: "Q̂uinꞌ raꞌ yacchutiꞌ tyi chuc anicjetety Jesucristo säñiyaꞌ in, muꞌin raꞌ anic maꞌjoij in." Yiꞌ Jenꞌsiꞌ Ạꞌedyeꞌ muꞌ, "Rụijdye meꞌ muꞌin raꞌ jịꞌjutyiti in carijtacdyeꞌyaꞌ muꞌin, jam raꞌ fibis shupquiꞌ carijtacdyeꞌ jiquej muꞌin, bijodyeꞌ raꞌ soꞌmac in carijtaquity jiquej in."

Ọij jiꞌchäquiyisinꞌ, jemoñeꞌ anicjetety Jenꞌ in tyumꞌchutidyeꞌtum bäꞌyi in, muꞌin chiqueptety Jenꞌsiꞌ p̂eyacdyeꞌ in judyeyaꞌ rụij cäc̣häꞌchutety Jesucristo in.

Fer muꞌ p̂eyaqui anjer yi: —Irijyejamꞌ Jenꞌcheꞌ, timaꞌquemac muꞌ, ĉaĉaij nash aty ayij tupudyemꞌ, jịꞌcäts yụꞌtacsi raꞌ muntyiꞌ in. Timaꞌquemac muꞌ jämꞌtyety mạyedyeꞌ judyeyaꞌ ọij jac, judyeyaꞌ mar judyeyaꞌ jacches ojñiꞌ in.

Chibinyity atsij anjer cäꞌc̣häijdye muꞌin päräꞌyityyaꞌ in, fer p̂eyaqui yi muꞌ: —Jụꞌñiñity chuc jenꞌtutety in muꞌ vajedyedyeꞌ buꞌyity judyeyaꞌ jämꞌtacdyeꞌ muꞌ joꞌmesdye yódyeijdyemꞌ muꞌ u, judyeyaꞌ jụꞌñiñity chuc jiꞌcachtity in cac̣htacdyeꞌyaꞌ muꞌ uncheꞌ judyeyaꞌ jáficheꞌ, jụꞌñity chuc joꞌmestumtyiꞌ in muꞌincheꞌ raꞌ tŝọiꞌ fersiꞌ Jenꞌsiꞌ vaꞌtacdyeꞌ muꞌ. Muꞌ raꞌ jam dyisactacsi, jämꞌsiꞌ raꞌ vaꞌtacdyeꞌ soꞌmacsi. Där raꞌ ñịbeꞌ cạveꞌ tŝijĉan in, mọꞌ azufretum cafonsis, mọꞌ raꞌ damꞌjeꞌ in, muꞌinsiꞌyaꞌ vej muꞌin Jenꞌtyiꞌyaꞌ anjer muꞌ judyeyaꞌ Oveca buꞌyitysiꞌyaꞌ. Räjĉan raꞌ naꞌiꞌ mọꞌĉan jịꞌsaꞌ, yóĉandyemꞌ raꞌ ñịbeꞌ cạveꞌĉan u in, jam raꞌ jụꞌñisĉan mạyedyeꞌ mọtsiꞌ. Meꞌ raꞌ cạveꞌ in muꞌin jenꞌtutety in muꞌ vajedyedyeꞌ buꞌyity judyeyaꞌ mọꞌ jämꞌtacdyeꞌ joꞌmesdye yódyeijdyemꞌ muꞌ u, jụꞌñity chuc jiꞌcachtity in uncheꞌ muꞌin judyeyaꞌ jáficheꞌ muꞌin. Muꞌĉan raꞌ jam jụꞌñisĉan mạyedyeꞌ jịꞌjutyiti in, yejĉoij raꞌ ñịbeꞌ cạveꞌ in —yi muꞌ.

Cạvete yụ muꞌ Oveca buꞌyity mụcuꞌcheꞌ Sióncheꞌ, muꞌcheꞌ rụiꞌcujcuij jiꞌcaviti. Penꞌdyetucsi anic shachtyity muntyiꞌ in, yiriꞌ cien vạjpedyeꞌ quiꞌtac vạjpedyeꞌ jiyi mir in. Muꞌin jáficheꞌ sánactyiꞌ in muꞌsiꞌ tịj muꞌ Oveca buꞌyitysiꞌ judyeyaꞌ Jenꞌsiꞌ chimeꞌ tịj muꞌ.

Yoctyiꞌ nạijte yụ anjer nạvaꞌjoij chidyiꞌĉanyaꞌ mạyedyeꞌ, cạiꞌ mọꞌ jämꞌsiꞌ p̂eyacdyeꞌ Jenꞌsiꞌ muꞌ jam mọtsis. Mọꞌ p̂eyacdyeꞌ räjdyes muntyiꞌ in, yịjyi muntyidyes, yoc yoc p̂eyaquity in judyeyaꞌ paiꞌ bäꞌyity in, räjdyes mọꞌ p̂eyacdyeꞌ.

Yoctyiꞌ atsij anjer cäꞌc̣häijdye muꞌ tashchetyyaꞌ, yi muꞌ jäquity p̂eyaqui: —Aty jiꞌpenac mọꞌ därsiꞌ bäꞌyedyeꞌ Babilonia, aty mụijyaꞌ jịꞌtŝoc mọꞌ, mọꞌ seꞌ jaꞌyacsis jiquej paiꞌ bäꞌyity in paj qui cäc̣häꞌchubiꞌ in aꞌc̣his dyijyedyeꞌ mọꞌ chimeꞌ juchaj mọꞌ. Jeñej buꞌyiꞌ jiꞌshuꞌcacsis jacchety muntyiꞌ in paj qui juchatute Jenꞌ in, meꞌ shupquiꞌ mọꞌ.