Popular Bible Verses from Mateos 25

Share

Chat qui raꞌ yụ Ayoꞌ muꞌin jéyacsi yụ: "Yụ jéyac junꞌsiꞌ chuc ñútyibutiĉaꞌ vojity buꞌyity yụty jiquej miꞌin, meꞌ tsanꞌ muꞌ uyaꞌyaꞌ buꞌyity, yụ́dye qui namꞌ ñútyitiĉaꞌ miꞌin, meꞌ shupqui mọꞌ."

Ayoꞌ muꞌ voryi jajiti: "Där jämꞌ, mi nash jämꞌtyiꞌ úñity yụ jịꞌcätsety mi. Aty jịꞌcätseꞌ mi mọꞌ miquis p̂eyacdyeꞌ, mọꞌdyes qui yụ raꞌ soꞌmeye därsiꞌ yụꞌtacdyeꞌ. Sisva paj qui yụ́tum maꞌjoij mi."

Tyi chuc jịꞌcätseꞌtyiꞌ, dadamꞌ raꞌ soꞌmac paj qui mujuꞌchaꞌ meꞌchuiꞌ muꞌ, tyi chuc jam jịꞌcätseꞌtyiꞌ, Jenꞌ raꞌ jachutyiti mọꞌ damꞌ meꞌchuiꞌsiꞌ muꞌ.

Chat qui muꞌ Jesús jéyacsi: —Ĉujcatac miꞌin bisdyiĉamꞌ yụ, ĉaĉaij na jam chịj miꞌin mọꞌ mạyedyeꞌ judyeyaꞌ hora ayijdyes yụ.

Meꞌ raꞌ chat siti miꞌin ĉaĉaij na dáqui yụ jiquej, miꞌindyety jiꞌsäcsitiĉaꞌ yụ miꞌin, jajri yụ jiquej, miꞌindyety jiꞌtyetiĉaꞌ yụ miꞌin. Jeñej buꞌyi yocve atsijtyiꞌ yụ itŝity chätidyeꞌ meꞌ buꞌyi yụ, miꞌindyety jiꞌdyäquitiĉaꞌ yụ miꞌin.

Ayoꞌ muꞌ voryi jajiti: "Där jämꞌ, mi nash jämꞌtyiꞌ úñity yụ jịꞌcätsety mi. Aty jịꞌcätseꞌ mi mọꞌ miquis p̂eyacdyeꞌ, mọꞌdyes yụ raꞌ soꞌmeye därsiꞌ yụꞌtacdyeꞌ. Sisva paj qui yụ́tum maꞌjoij mi."

Chimeꞌdye cädäj yụ jiquej, miꞌindyety jiꞌcätiĉaꞌ yụ miꞌin, judyeyaꞌ japacjoij jiquej yụ, miꞌindyety ĉujcatiĉaꞌ yụ miꞌin, ĉärꞌtaquisĉan ĉäꞌräij jiquej yụ, miꞌindyety tänꞌjijcatiĉaꞌ yụ miꞌin", jéyacsi raꞌ yụ.