Popular Bible Verses from Génesis 37

Share

Yirisĉan mạyedyeꞌ tamiñi muꞌ José. Jịꞌchiqueyaqui vojity muꞌ junꞌ chuc taminꞌdyeꞌ muꞌ, mọꞌdyes qui muꞌin damꞌdye mujuꞌchaꞌ fạ́quete in.

Muꞌ na Israel mujuꞌchaꞌ mạꞌjeyaqui José ạvaꞌ muꞌ, uyaꞌyaꞌ yoctyiꞌ ạvaꞌ muꞌ mạꞌjeyaqui, ĉaĉaij na ishodyeꞌĉan naꞌi muꞌ José. Mọꞌdyes qui muꞌ jämꞌtyeyete yirity coftyity anic jämꞌtyiꞌ.

Aty chịjyaꞌ in muꞌin vojity muꞌ, muꞌ jenꞌ muꞌin mujuꞌchaꞌ mạꞌjete José, mọꞌjete qui fạ́quete in vojity muꞌin, aꞌc̣histum p̂eyacdyeꞌ vorjete in.

Cuvij qui muꞌ José tamiñi judyeyaꞌ jéyacsi vojity muꞌ, yi muꞌ: —Cuvij tyuꞌ caꞌ meꞌ tamiñi yụ, cạvete yụ muꞌ tsun judyeyaꞌ mọꞌ ịvaj judyeyaꞌ ọ́rotaꞌ in, yiriꞌtac yirity jiyi in, räj tyuꞌ caꞌ dyụtsyi yụ́yaꞌ in, meꞌ tamiñi yụ —jéyacsi.

Muꞌin qui vojity muꞌ jịꞌfajqueꞌ in mọꞌ p̂eyacdyeꞌ, muꞌ na jenꞌ muꞌ anic dyijtupte p̂eyacdyeꞌ muꞌ.

Jéyacsi: —Seꞌvibutiĉamꞌ taminꞌdyeꞌ yụ. Meꞌ tyuꞌ caꞌ tsun, vädaĉaꞌ tyuꞌ caꞌ trivo, meꞌ tyuꞌ caꞌ c̣họcoꞌtety yụ ĉụiꞌ tyuꞌ caꞌ quichyi, miꞌintyiꞌ tyuꞌ caꞌ cọij buꞌyi yụ́tyyaꞌ, chat qui dyụtsyi in yụ́tyyaꞌ c̣họcoꞌtactyiꞌyaꞌ —yi jéyacsi muꞌ José taminꞌdyeꞌ muꞌ.

Jeshaꞌ damꞌdye jämꞌ ijaja, chat qui raꞌ vaꞌqueĉa toꞌĉan, judyeyaꞌ qui raꞌ yéjaꞌ: "Vajedyedyeꞌ jajibitaque." Cạvejaꞌdye raꞌ junꞌ chuc raꞌ taminꞌdyeꞌ muꞌ —yi jíti in.

Aty cajnacsi muꞌin in jiꞌmincaquity in, Madiánĉan bäꞌyity in, muꞌ vojity muꞌin vaꞌcactyiꞌ tsanꞌ toꞌĉan muꞌin jäĉajte in, chat qui jiꞌmincate in Ismaeltyiꞌyaꞌ vóshiꞌ in, querec̣hayaꞌ jiꞌmincate in, päräꞌ quiꞌtac ficha plata meꞌtum soꞌmacsi in. Chat qui Egiptoĉan cạte in muꞌ José.

Yi jítidyeij in: —Muꞌdye caꞌ tamiñity meij jijtuij.

Tacaꞌ moch tyivaꞌti, jịꞌĉojtuyeĉunꞌte in. Jambiꞌ ventacsequi muꞌyaꞌ, aty muꞌin jäꞌmij dyijyi in mạꞌjeꞌ ijate in.

mijam raꞌ jiꞌchäsheja. Damꞌdye jämꞌ toꞌĉan mọmoꞌ vaꞌqueĉa, jam qui na ramꞌ junꞌ areꞌtyeja. Yi jéyacsi Rubén ĉaĉaij na ĉụiꞌ dyijyi yi: "Yụ raꞌ jịꞌjobajte jịꞌcaꞌñebajteij jenꞌyaꞌ muꞌ."