Popular Bible Verses from 2 Timoteo 2

Share

Tachi Ak'õre pedea piarãpema arí jaratea bɨ unupi base. Mimiaparí pia bɨ jĩra jĩrak'aua oo base Tachi Ak'õrepa pɨ p'erawẽa pia unumẽrá.

K'ũtãarãpa nemietá oo k'ɨ̃riapataɨ jĩra oorãse. Mãɨpari jĩp'a ooi k'orea base. Jesude ĩjãa base. Jõmãɨrã k'ɨ̃ria base. Jõmãɨrã ome ne k'ɨ̃risiawẽa base. Tachi Chiparia ɨt'aa chiidipataɨrã ome sõ jĩp'a bɨdepa ãarea mãɨya base.

Chi Tachi Chipari pae pari mimiaparí k'ĩruu pedea baiwẽa bɨma, mãɨpari jõmãɨrã ome sõpia bai bɨma. Jaratea k'awa bai bɨma. Jõmãɨrã ome choa bai bɨma.

Tachia jara p'anɨ jĩra oodaepɨra, tachi mãɨya p'anɨmina, ichia jara bɨ jĩra ooparima, ara ichia jarada k'ɨ̃risia atuak'a pẽra.

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

Tachi Ak'õre k'ĩrari chi piawẽa berãpa k'achia pedeapataɨ itu bɨse. Chi mãɨya berã Tachi Ak'õrenepema t'ɨmɨa wãpatama.