Popular Bible Verses from 2 Timoteo 1

Share

Tachi Ak'õrepa tachi sõne ne wap'ea p'anapié pasima, mãɨpari tachiá jua chaarea p'anapik'ari, waapẽarã k'ɨ̃ria uru p'anapik'ari tachi k'ak'ua jĩp'a ak'ɨ uru p'ananayá k'awapisima.

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

Mɨ jua pɨ ɨ̃rɨ bɨside Tachi Ak'õrepa pɨá ne teasima ichi pae oomẽrá. Mãɨ k'orea mɨa jararuma: mãɨ Tachi Ak'õrepa teada pia oo bapariese, et'abarrade t'ɨpɨ p'uapari jĩra.

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.