Popular Bible Verses from James 3

Share

Iwernga peghqinelleq qilagtaq kiyang pelungituq. Amalleqa nekeggmetuq, kavyugituq, malighqutaqingaaq, nangllegtaghtuq, pinistaghhiinatun pikayuguuq, taniillghituq, yupiinghuuq.

Kina akulegpesinita peghqinelghii, liigikimalghiillu? Tawatetelleni kelgulligu pinitun kiyaghtaalleghmikun, aneghneghqilleghmikunllu qusevegngaghmi.

Nekeggmelleq piitutestun ayuquq. Tamaakut nekeggmelleghmun qepghaqayuget piitesighaghaqiit, enkaam saghnaaqut elqughngalghiimengllu pinilghiimengllu kiyaghtaalleghmeggni.

Nani alngunak aqinallelgunghanillu, ellnginaayugllelgunghanillu taawa kipullginaallelwaaquq, sangwaatlu allaaghhiinaat seghleghet tawantaqut.

Ulu usuqusiqaqaghput Atanemnnun Atamun. Naqam seghleghmeng neghyugtaghaasiqaqaghput yulgutemnnun, Kiyaghneghem ulimaaghitnun ellmisugnilluki. Usuqilleqlu, seghleghmengllu neghyugtaghalleq aanegkayuguuk ataasimeng qaneghmeng. Ugpeqaalgutemni, tawatesaghqaanghisaghtuq.

Ulullu kenghestun ayuquq. Esleqngaaq seghleghqelleghmeng enkaam seghleghqumallgha mingitkayuguuq yugusimun. Enkaam naafqiikayuguuq kiyaghtaallemnneng qayughllak hell‑em kenghan kumaghtaqaa.

iwernga kitum alngunak qimuggnaanghitaa ulu. Neklegigalnguuguq, seghleghuuq, esleqngaaq tuqunalghiimeng poison‑meng.

Ugpeqaalgutemni, allullusi apeghtughistengughtefqaafsi Kiyaghneghem Akuzitanganeng, qayughllak liisimakaghsi whangkuta apeghtughisteni nanqigtengngwaaghataghaghyaghqaagukut.