Popular Bible Verses from James 2

Share

Ugpeqilleqlu tawatetuq, aneghneghqilleghqun atuqenghilkumi sasiinghituq.

Enkaangam yugusiq taghneghangunani tuqungaaq, ugpeqilleqlu aneghneghqillngunani tuqungaaq.

Ugpeqaalgutemni, kina whaten pighngaaghmi, “Ugpeqillelguunga,” iwernga taam ugpeqillghan yugulinaanghitaa atuqenghilkumigu ugpeqilleni aneghneghqilleghmikun. Sasiilleqangam ugpeqillgha aneghneghqillngunani?

Ugpeqan ataasighhaatanga Kiyaghneq. Taana pinightuq! Tughneghaatlu ugpeqaqaat taana enkaangam alingruughaqut, ungelegtaqut qayughllak liisimakegkangat Kiyaghneghem nanqigsaghqaqegkangi.

Kina pillequq, “Elpek ugpeqillelguuten, whanga aneghneghqellelguunga.” Kelguvikinga ugpeqilleghpeneng aneghneghqillghilngughmeng, kelguvikelleqamken ugpeqillemneng aneghneghqillemkun.

Kiyaghneghem nanqigtekumisi nangllegyagunnaanghitiisi, nangllegyagunneghilkufsiki yulgutesi. Iwernga nangllekegkufsiki yulgutesi Kiyaghneghem nangllegyagulleqiisi.

Kiyaghneghem tuguklighaqaa yuuk aneghneghqillghakunllu ugpeqillghakunllu; tugukliigataa ugpeqilleraaghinaakun.

Liigiksiguu? Ugpeqilleqlu aneghneghqilleqlu qerngaagmek qepghaqayuguuk. Tamaaken apalluqluku Abraham‑em ugpeqillgha iighwightekaqaa aneghneghqelleghqun.