Popular Bible Verses from James 4

Share

Tuunlusi elpesineng katam Kiyaghneghmun. Ayaklighteggu tughneghaq, anagniighllequq elpesineng.

Qantaghalliighaghtek Kiyaghneghmun, Kiyaghneq qantaghalliighaghllequq elpesinun. Seghleghqesteni, uughtughtek! Elpesi ataasiightellghilngughni, ukmangighteki ilusi qaamkut.

Qusevegtek Ataneghmun, quulvaghlleqiisi.

Tamaaken apalluqluku Kiyaghneghem kayusiitaghaghaqiinkut nuqetutesqelluki piyukelleluput. Iwernga Akuzitet Igaqegkat piit, “Kiyaghneghem kayusighaqii qusevegngalghiit puuru kipullegmun piiqii qukaayugneghet.”

Enkaam kitum alngunak liisimakeghngaaghmigu pinitun pilleq atuqenghilkumigu, seghleghqengnguuq.

Talwa aapteghngaaghpesigu Kiyaghneq allgeghsigatasi qayughllak seghleghmun atughqaaluki aaptaqelghiisi. Piyukegkaghsi elpesi katam piyukegkaghhiinaghpesinun ayuqaqelghii.

Ukughsi ataasiighneghilngughni! Liisimakenghistegguu piniqegkufsigu nunam seghlegha, ugumikaghsi Kiyaghneq? Kitum alngunak piniqegkumigu nunam seghlegha anguyaguuq Kiyaghneghmun.

Iwernga nallukaghsi unaami salleghqaghsi! Talwa nallukaghsi unguvalleghpesi tagtalkaghqaa. Unguvalleghsi takesqughhaaguq, agepsughruggaghestun ayuquq, mulugpenani aviighutkayuk.