Popular Bible Verses from 1 Corinthians 2

Share

Igaqegkani Akuzitni igaqegkaaguq, “Tamaakut iyem esghamangilkangi, tamaakut sigutem nagaquumangilkangi, tamaakut umyugam sumeghtaghaatkumangilkangi. Kiyaghneghem yataaghqegkaqii piniqisteminun.”

Iwernga kina alngunak allgeghusimangilnguq Agleghnalghiigneng Taghneghagneng, tuguklighingigatuq tunusaneng Taghneghagneng pineng. Tamaakut tunusat temngitwhanguut ellngani. Liigikepagningitii qayughllak Agleghnalghiim Taghnegham kayusillghiinaakun liigiksaghqaaguq.

Iwernga Kiyaghneghem liigikestekaqii whangkunnun Agleghnalghiignekun Taghneghagmikun. Taghnegham yuvghiighaqaa sangwaa tamaghhaan, talwa Kiyaghneghem qaamnarugllaganilnguut.

Nunam taghneghaaneng allgeghusimangitukut. Yeghlegi, allgeghtekaqagput Taghneghak Kiyaghneghmeng pik, liigiknaluki qamaglluki Kiyaghneghem tuunegkii whangkunnun.

Kukragnalghiimeng akuzitkumangitunga peghqineghllagem akuzitanganeng. Iwernga Agleghnalghiim Taghnegham aghtughyaghqaanghillghan ipapighqegkaqii apeghtughillghenka ipangutangi. Enkaangam ugpeghtusi apalluqluku Kiyaghneghem aghtughyaghqaanghillgha, nakaan apalluqluku yugem peghqinellgha.