Popular Bible Verses from Efesios 4

Share

Sõbiad̶eeba nureásturu. Kĩra chuburia baraa nureásturu. Chi machiba kachirua wauped̶aad̶a kʉde uru b̶ee ida b̶ústuru, Dachi Akõreba machi kachirua Cristod̶eeba ida b̶ud̶a kĩra.

Machi waabenarã audeara biꞌia nuree kʉ̃risiarã́sturu. Kʉ̃riad̶eeba chiya dauchia jãadua nureásturu.

Bed̶ea kachirua berrearã́sturu. Maumaarã bed̶ea biáturu berreásturu waabenarã aid̶ad̶ai baita. Maka machi bed̶ea ũri nuree biꞌia panad̶ai.

Machiba joma ab̶au ʉ̃rʉbena sõd̶e kachirua kʉ̃risiabadau, sõd̶eeba kĩrubadau, oa kachirua berreabadau, kĩrud̶eeba berreabadau, waabenarã ʉ̃rʉbena setaa jarabadau maud̶e waabenarã kachirua waud̶ai kʉ̃risiabadau joma ida b̶ústuru.

Kĩruuduubʉrã kachirua waurã́sturu. Machi kĩru panuumisa, ewari araa b̶aebirã́sturu. Jʉbawãe niimaa ida setaa kũruabiarã́sturu.

Ãchimaa jaradeaped̶aad̶a naubʉ: naed̶e machiba wau panad̶a kĩra waa maka nibarã́sturu. Chi kakua kachirua wau kʉ̃ria b̶uuba setad̶eeba biꞌiwãe paneebiabarii. Mau ida b̶ústuru, paru sore ẽebadau kĩra. Maumaarã Dachi Akõremaa machi kʉ̃risia wid̶i ida waubiásturu. Mau kʉ̃risia wid̶i Dachi Akõreba wausii machi ichi kĩra nuread̶amera. Maud̶eeba paru wid̶i jʉ̃ panuu kĩra, kʉ̃risia wid̶id̶eeba nibásturu. Maka machi Dachi Akõre daad̶e jipa, biꞌia nibad̶ai chi biawãra bed̶eaba jara b̶uu kĩra.

Dachi Akõre Jauriba machi jirukaraayuwãe nureabiai b̶uud̶eeba, ne joma biꞌia wáusturu biawãra ãbua nuread̶amera.

Ara ichiba chi nuree b̶usii ichiba bʉid̶arã nuread̶amera, waabenarã b̶usii Dachi Akõre baita berreabadaurã nuread̶amera, waabenarã b̶usii chi bed̶ea bia Cristo ʉ̃rʉbena jarad̶e nibad̶amera, maud̶e waabenarã b̶usii chi ijãabadaurã nubadaurã maud̶e jaradeabadaurã nuread̶amera. Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu, ab̶a jomaurã Dachi Akõre Warrd̶e ijãa panuud̶eeba maud̶e kuitaa panuud̶eeba ãbua biꞌia paneeduud̶aa. Maud̶e dachi ne jomad̶e Cristo kĩra nuread̶ai.

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai. Maumaarã kʉ̃riad̶eeba chi biawãra bed̶ea ijãad̶ai panuu ne jomad̶e Dachi Mechiu Cristo kĩra nuread̶ai baita.