Popular Bible Verses from ၵလႃႇတီႉ 2

Share

ၵဝ်​လႆႈ​ၶၢမ်ႇ​တၢႆ​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ၊ ၵႃႈ​တီႈ​သဝ်​လၵ်း​ဝႃး​ၵၢပ်ႈ​ၼၼ်ႉ​ယဝ်ႉ။ ၵူၺ်း​ၵႃႈ​ၵဝ်​ဢသၢၵ်ႈ​ယင်း​လိပ်း​ယူႇ​ဢေႃႈ။ မိူဝ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​ဢမ်ႇ​လိပ်း၊ ၸဝ်ႈ​ၶရိၸ်ႈ လိပ်း​ယူႇ​ၼႂ်း​ၵဝ်​ဢေႃႈ။ ဢသၢၵ်ႈ​ဢၼ်​ၵဝ်​လိပ်း​ၼႂ်း​တူဝ်​ၶၼ်ႇ​ထႃႇ​ၼႆႉ တႄႇ​ယူႇ​ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​လုၵ်ႈ​ၽြႃး​ပဵၼ်​ၸဝ်ႈ ဢၼ်​ႁၵ်ႉ​ၵဝ်​လႄႈ ဢဝ်​တူဝ်​ၸဝ်ႈ​ၵဝ်ႇ ၸုၼ်ႉ​ပႅတ်ႈ​ပုၼ်ႈ​ၵဝ်​ၼၼ်ႉ​ဢေႃႈ။

ၵဝ်​ဢမ်ႇ​ပႄႇ​ပႅတ်ႈ​ၵျေး​ၸူး​ၽြႃး​ပဵၼ်​ၸဝ်ႈ။ ပေႃး​ဢိင်​ပိင်း​ၺၢပ်ႈ​တြႃး​သေ​လႄႈ ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​လႆႈ​ၸိုင် ၸဝ်ႈ​ၶရိၸ်ႈ​ၼၼ်ႉ ၶၢမ်ႇ​တၢင်း​တၢႆ​လၢႆ​လၢႆ​ဢမ်ႇ​ပွင်ႇ​လွင်ႈ​ၵႃႈ​သင်​ယဝ်ႉ။

ၵွပ်ႈ​ပိူဝ်ႈ​ဢၼ်​ႁဝ်း​ဢမ်ႇ​ပဵၼ်​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ဢၼ်​ဢပႅတ်ႈ​ထၢင်ႇ​သႃး​ယူႇ​ၼၼ်ႉ​လႄႈ၊ ၸွမ်း​ၼင်ႇ​ၸႃႇ​တီႉ​ၸိူဝ်ႉ​ၶိူဝ်း​ပဵၼ်​ၵူၼ်း​ ယူႉတႃႉ ​လႄႈ၊- ႁူႉ​လွင်ႈ​ဢၼ်​ၵူၼ်း ဢမ်ႇ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​ၼၼ်ႉ​လႄႈ ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ ယေႇသူႉ​ၶရိၸ်ႈ ​ႁႂ်ႈ​လႆႈ​ႁွတ်ႈ​ထိုင် တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ ပိင်း​ၺၢပ်ႈ​တြႃး​ဢမ်ႇ​ၸႂ်ႈ။ ႁဝ်း​ၵေႃႈ​လႆႈ​ယုမ်ႇ​မၢတ်ႈ​ ယေႇသူႉ​ၶရိၸ်ႈ ​ႁႂ်ႈ​လႆႈ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ ၸဝ်ႈ​ၶရိၸ်ႈ​ၼၼ်ႉ​ယဝ်ႉ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​လႄႈ ၽူႈ​လႂ်​ဢမ်ႇ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​လႆႈ။