Popular Bible Verses from ဢေးၽႅတ်ႈ 5

Share

ၼင်ႇ​ၼၼ်​လႄႈ ၸိူဝ်ႉ​ၼင်ႇ​လုၵ်ႈ​ႁၵ်ႉ​ၽြႃး​ပဵၼ်​ၸဝ်ႈ​တင်း​လၢႆ​ၼၼ်ႉ၊ သူ​ၵမ်​ၵျၢင်ႉ​မိူၼ်​ၸိူဝ်ႉ​ၼင်ႇ​ဢၼ်​ၽြႃး​ပဵၼ်​ၸဝ်ႈ​ၵမ်​ၵျၢင်ႉ ၼၼ်ႉ​တႃႉ။- သူ​ၵႂႃႇ​မႃး​ယူႇ​ၼႂ်း​မႅတ်ႈ​တႃႇ​မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈ​ၶရိၸ်ႈ ႁၵ်ႉ​ႁဝ်း​လႄႈ​ဢဝ်​တူဝ်​ၸဝ်ႈ​ၵဝ်ႇ ဢၼ်​ဝႃႈ တၢင်း​ဢၼ်​သၢၵ်ႈ​ၵၢပ်ႈ​လႄႈ ပုၵ်ႈ​ၸေႃႇ​ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ ပုၼ်ႈ​ဢၼ်​တၵ်း​ပဵၼ် ဢၢႆ​ဢၼ်​ႁွမ်​ဢၼ်​ႁူၺ်း​ၼၼ်ႉ​သေ​လႄႈ ၸုၼ်ႉ​ပႅတ်ႈ​ပုၼ်ႈ​ႁဝ်း​ၼၼ်ႉ​တႃႉ။

ပိူဝ်ႈ​ၼႆ​လႄႈ ယႃႇ​ပေ​ပဵၼ်​ၸိူဝ်ႉ​ၼင်ႇ​ၶဝ်​ၸိူဝ်း​ဢၼ် ဢမ်ႇ​မီး​ပိင်ႇ​ၺႃႇ​ၼၼ်ႉ။ ပဵၼ်​ၸိူဝ်ႉ​ၼင်ႇ​၊ ၶဝ်​ၸိူဝ်း​ဢၼ်​မီး​ပိင်ႇ​ၺႃႇ​ၼၼ်ႉ​လႄႈ ႁဵတ်း​သတီႉ ႁႂ်ႈ​လႆႈ​ၵမ်​ၵျၢင်ႉ ၸေး​ၸေး​ၸွတ်ႇ​ၸွတ်ႇ​တႃႉ။- ၵွပ်ႈ​ပိူဝ်ႈ​ဢၼ်​ၶိင်ႇ​ဝၼ်း​ၵႃႇလႃႉ​တေႃႈ​လဵဝ်​ၼႆႉ ႁၢႆႉ​မိူၵ်ႈ​လႄႈ​ဢွၼ်​ၵၼ်​ထုတ်ႇ​ဢဝ်​ၶိင်ႇ​ၵႃႇလႃႉ​တႃႉ။

ဝႄႈ​ပႅတ်ႈ​တၢင်း​ဢၼ်​မဝ်း​လဝ်ႈ​လူၺ်ႈ​ၼမ်ႉ​ၸပိတ်ႈ ဢၼ်​ၸၢင်ႈ​ႁႂ်ႈ​ပူၼ်ႉ​လိူဝ်​ၼၼ်ႉ​သေ​လႄႈ ပျေႉ​ၸုမ်ႇ​ဝႆႉ​တင်း​ဝီႉၺိၺ်ႇ​ၸဝ်ႈ​ယူႇ​တႃႉ။- ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​ဢဝ်​တင်း တၢင်း​ဢၼ်​ႁဵတ်း​ၵႂၢမ်း​သႃႇလၢမ်ႇ တင်း​ၵႂၢမ်း​ထမ်ႇမႃႉ​ၵူႈ​မဵဝ်း​လၢတ်ႈ​ဝႃႈ​လႄႈ ဢွၼ်​ၵၼ်​မီး တင်း​ၸႂ်​ဢၼ်​ဢူၼ်ႈ​ဢၼ်​ဢွၼ်ႇ ဢိုၼ်း​ယွင်ႈ​ႁဵတ်း​ၵႂၢမ်း ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​တႃႉ။ ဢိင်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​ ယေႇသူႉ​ၶရိၸ်ႈ ​သေ​လႄႈ​ဢွၼ်​ၵၼ်​ႁပ်ႉ​တုင်း​ဢဝ် ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၼႂ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ၵျေး​ၸူး​ၸဝ်ႈ​ယႂ်ႇ​ၼႃႇ​တီႈ​ၶႃႈ​ဢေႃႈ​၊ ဝႃႈ​ၼင်ႇ​ၼႆ​ယူႇ​သေႇ​သေႇ​တႃႉ။

ပိူဝ်ႈ​ၼႆ​လႄႈ​ယႃႇ​ပေ​ပဵၼ်​ၵေႃႉ​ဢၼ်​ဢမ်ႇ​မီး​သတီႉ။ ပဵၼ်​ၵေႃႉ​ဢၼ်​ၶႆႈ​ၸႂ်​လႄႈ​ႁူႉ လွင်ႈ​ဢၼ်​ဢလူဝ်ႇ​ၽြႃး​ပဵၼ်​ၸဝ်ႈ မီး​ၼၼ်ႉ​တႃႉ။

ၽူႈ​ၸၢႆး​ၶဝ်​ဢိူၺ်း၊ သူ​ၵေႃႈ​ႁၵ်ႉ​မေး​သူ မိူၼ်​ၸိူဝ်ႉ​ၼင်ႇ​ဢၼ် ၸဝ်ႈ​ၶရိၸ်ႈ​ႁၵ်ႉ​ၸိူဝ်း​ၸဝ်ႈ​လႄႈ ၸုၼ်ႉ​တူဝ်​ၸဝ်ႈ​ၵဝ်ႇ​ပုၼ်ႈ​ၸိူဝ်း​ၸဝ်ႈ၊

ၼႂ်း​ၶိင်ႇ​ၵႃႇလႃႉ​မိူဝ်ႈ​ဢွၼ်​ၼႆႉ​ၼၼ်ႉ၊ သူ​ပဵၼ်​ဢၼ်​လပ်း​သိင်ႇ​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ သူ​ပဵၼ်​ဢၼ်​လႅင်း​ၼႂ်း​ၸဝ်ႈ​ၽြႃး​ဢေႃႈ။ ပိူဝ်ႈ​ၼႆ​လႄႈ​ၵမ်​ၵျၢင်ႉ​ၸိူဝ်ႉ​ၼင်ႇ​လုၵ်ႈ​ဢၼ်​လႅင်း​ၼၼ်ႉ​တႃႉ။

ၼႂ်း​လွင်ႈ​တၢင်း​ဢၼ်​ရူဝ်ႇ​သေႇ​ၵူဝ်​ယမ်​ၸဝ်ႈ​ၶရိၸ်ႈ​ၼၼ်ႉ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် ဢဝ်​တူဝ်​ၸဝ်ႈ​ၵဝ်ႇ​ၶျႃး​တႅမ်ႇ​တႂ်ႈ​ၵၼ်​တႃႉ။

ၽူႈ​ယိင်း​ၶဝ်​ဢိူၺ်း​၊ ၸိူဝ်ႉ​ၼင်ႇ​ဢၼ်​သူ​ႁပ်ႉ​တုင်း​ဢဝ် တၢင်း​ဢၼ်​ၸဝ်ႈ​ၽြႃး​ဢုပ်ႉ​ပိူင်ႇ​သူ​ၼၼ်ႉ၊ ႁပ်ႉ​တုင်း​ဢဝ်​တၢင်း​ဢၼ်​ၽူဝ်​သူ​ဢုပ်ႉ​ပိူင်ႇ​တႃႉ။

ၼႂ်း​ဝႃႈ​ၼၼ်​သေ​ၵေႃႈ ၸိူဝ်ႉ​ၼင်ႇ​ဢၼ်​သူ​ႁၵ်ႉ​တူဝ်​ၸဝ်ႈ​ၵဝ်ႇ​ႁင်း​ၽႂ်​ႁင်း​မၼ်း​ၼၼ်ႉ ႁၵ်ႉ​မေး​တူဝ်​ၸဝ်ႈ​ၵဝ်ႇ​တႃႉ။ ၽူႈ​ယိင်း​ၵေႃႈ၊ ႁႂ်ႈ​မီး​တၢင်း​ဢၼ်​ရူဝ်ႇ​သေႇ​ၵူဝ်​ယမ်​ၽူဝ်​တူဝ်​ၸဝ်ႈ​ၵဝ်ႇ​တႃႉ။

ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ၊ ၽူႈ​ၸၢႆး​တၵ်း​လႆႈ​ၽၢတ်ႇ​ယၢၼ်​ၵၼ်​တင်း​ပေႃႈ​မႄႈ​မၼ်း​သေ​လႄႈ ၸပ်း​ၸွမ်း​ၽၢႆႇ​မေး​မၼ်း​ယူႇ​ဢေႃႈ။ သွင်​ၶႃ​တၵ်း​လႆႈ​ပဵၼ်​ၼိူဝ်ႉ​ဢၼ်​လဵဝ်​၊လိူတ်ႈ​ဢၼ်​လဵဝ်​ၵၼ်​ဢေႃႈ။

ဢမ်ႇ​သိူၵ်ႈ​ဢမ်ႇ​သမ်ႇ​ၵၼ်​တင်း​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​လပ်း​သိင်ႇ​၊ဢၼ်​ဢမ်ႇ​မီး​ဢၵျူဝ်း​ၸိူဝ်း​ၼၼ်ႉ​ဢမ်ႇ​ၵႃး၊ ၼႄ​ပျႃး ဢပႅတ်ႈ​လွင်ႈ​တၢင်း​ၸိူဝ်း​ၼၼ်ႉ​တႃႉ။