Popular Bible Verses from ဢေးၽႅတ်ႈ 6

Share

လွင်ႈ​မၼ်း​ၸမ်ႉ ႁဝ်း​လႆႈ​တႃႉ​လႆႈ​ၶဵင်ႇ​သေ​လႄႈ တိုၵ်း​တေႃး​ၵၼ်​တင်း​ရၢၼ်ႇ​သူႇ ဢၼ်​မီး​ၼိူဝ်ႉ​မီး​လိူတ်ႈ​ၼၼ်ႉ​ဢမ်ႇ​ၸႂ်ႈ၊ လႆႈ​တႃႉ လႆႈ​ၶဵင်ႇ​သေ​လႄႈ တိုၵ်း​တေႃး​ၵၼ်​တၢင်း​ဢၼ်​ထွတ်ႈ​ဢၼ်​မျၢတ်ႈ​လႂ်၊ ဢႃႇၼႃႇ​လႂ်၊ ၶုၼ်​ဢၼ်​ႁဵတ်း​တၢင်း​ဢၼ်​ဢုပ်ႉ​ပိူင်ႇ​ၼႂ်း​လပ်း​သိင်ႇ​လေႃးၵီႇ​လႂ်၊ ၽီ​ႁၢႆႉ​ဢၼ်​ယူႇ​ၵႃႈ​ၼိူဝ်​ၽႃႉ​ၵၢင်​ႁၢဝ်​လႂ် ၸိူဝ်း​ၼၼ်ႉ​ဢေႃႈ။

ၵူႈ​ၶိင်ႇ​ၵူႈ​မိူဝ်ႈ​ပႃး​တင်း​ဝီႉၺိၺ်ႇ​ၸဝ်ႈ​သေ​လႄႈ ဢဝ်​တင်း​တၢင်း​ဢၼ်​ႁဵတ်း​သူး​တွင်း​ပထၼႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ သူး​တွင်း​တႃႉ။ ၼင်ႇ​ႁိုဝ်​တၵ်း​သူး​တွင်း​ၸိူဝ်ႉ​ၼင်ႇ​ၼၼ်​ၸိုင်၊ ႁႅင်း​ယင်း​ဢမ်ႇ​ဢူၼ်ႈ၊ ၸႂ်​ယင်း​ဢမ်ႇ​လူႉ၊ ႁဵတ်း​ပထၼႃႇ​ပုၼ်ႈ​ၸႃႉ​ၸဵမ်​ၵဝ် တင်း​ၵူၼ်း မူတ်း​ၸၢင်ႇ တင်း​သဵင်ႈ​တင်း​လူင်​ယူႇ​သေ​လႄႈ​ပႂ်ႉ​ယူႇ​တႃႉ။

လွင်ႈ​ၼင်ႇ​ႁိုဝ်​တၵ်း​ႁႄႉ​ၶႅၼ်​ပရီႉယႄႇ​မႃႇၼၢတ်ႈ​လႆႈ​ၸိုင်၊ ဢဝ်​လၢၵ်ႈ​ၼၢၵ်ႈ​ၸုမ်ႇ​ၽြႃး​ပဵၼ်​ၸဝ်ႈ​ၼုင်ႈ​မႆ​တႃႉ။

ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​တၵ်း​ႁႄႉ​ၶႅၼ် ၼႂ်း​ၶိင်ႇ​ၵႃႇလႃႉ​ဝၼ်း​ဢၼ်​ႁၢႆႉ​မိူၵ်ႈ​ၼၼ်ႉ​လႆႈ​လႄႈ၊ ၵိၵ်ႉ​ၸႃႉ​ၵႃႈ​မီး​တင်း​သဵင်ႈ​တင်း​လူင်​ယဝ်ႉ​ၸွတ်ႇ​တူဝ်ႈ​သေ​ယဝ်ႉ၊ ၸုၵ်း​ၶၢမ်ႇ​လႆႈ​ၸိုင်၊ ဢဝ်​လၢၵ်ႈ​ၼၢၵ်ႈ​ၸုမ်ႇ ၽြႃး​ပဵၼ်​ၸဝ်ႈ​ယိပ်း​ၵမ်​ယူႇ​တႃႉ။

လႂႃး​ဢၼ်​ဝႃႈ တၢင်း​ယုမ်ႇ​မၢတ်ႈ​ဢၼ်​ႁႄႉ​မွတ်ႇ​လၢၵ်ႈ​ၼၢၵ်ႈ​ၸၵ်ႈ​ၽႆး​ဢၼ် မႃႇၼၢတ်ႈ​ယိုဝ်း​ထိမ်ႈ​ၼၼ်ႉ​လႆႈ​ၼၼ်ႉ​ၵေႃႈ၊ ဢဝ်​ထၢပ်ႈ​ထႅင်ႈ​ၵႃႈ​ၼိူဝ်​လၢၵ်ႈ​ၼၢၵ်ႈ​တင်း​သဵင်ႈ​တင်း​လူင်​သေ​လႄႈ သုင်း​သွင်ႇ​တႃႉ။- ဢဝ်​မွၵ်ႇ​ႁူဝ်​လဵၵ်း​ဢၼ်​ဝႃႈ​တၢင်း​ဢၼ်​ၵႄႇ​ၶျွတ်ႈ​ဢဝ်​ၼၼ်ႉ ဢိၵ်ႇ​တင်း​လၢပ်ႇ​ဝီႉၺိၺ်ႇ​ၸဝ်ႈ​ဢၼ်​ဝႃႈ ၼုၵ်ႈၵပၢတ်ႈ​ၽြႃး​ပဵၼ်​ၸဝ်ႈ ၼၼ်ႉ​တႃႉ။

ၵွပ်ႈ​ႁွႆး​ၼႆႉ​လႄႈ​ဢဝ်​သၢႆ​ဢႅဝ်​ဢၼ်​ဝႃႈ​သဵတ်ႈ​ၸႃႇ​ၼၼ်ႉ​ႁတ်ႉ​ယူႇ၊ ဢဝ်​ၶိူင်ႈ​ဢၼ်​ႁႄႉ​ႁူဝ်​ဢူၵ်း​ဢၼ်​ဝႃႈ​ပႃႇရမီႇ တၢင်း​ဢၼ်​သိုဝ်ႈ​တေႃႇ​ၼၼ်ႉ​ၼုင်ႈ​မႆ​ယူႇ၊- ဢဝ်​သွၵ်ႈ​တိၼ်​ဢၼ်​ဝႃႈ​တၢင်း​ဢၼ်​မႄး​ဝႆႉ​ပုၼ်ႈ​ဢၼ် တၵ်း​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ဢၼ်​ၵိုင်ႇ​ၵၼ်​တင်း တၢင်း​ၼိမ်​ၼၼ်ႉ​တိုဝ်း​ယူႇ​သေ​လႄႈ​ၸုၵ်း​ၶၢမ်ႇ​တႃႉ။

ၵႂၢမ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ၸမ်ႉ၊ မီး​တၢင်း​ဢၼ်​မၼ်ႈ​ၶိူင်ႇ​ယူႇ​ၼႂ်း​ၸဝ်ႈ​ၽြႃး ဢိၵ်ႇ​တင်း​ၼႂ်း​ဢႁုင်ႇ​တၼ်း​ၶူဝ်း​ၸဝ်ႈ​တႃႉ။

ၼင်ႇ​ႁိုဝ်​မႂ်း​တၵ်း​လႆႈ​လီ​လႆႈ​ပဵၼ်​လႄႈ ဢသၢၵ်ႈ​တၵ်း​ယၢဝ်း​ယိုၼ်း​ၵႃႈ​ၼႂ်း​မိူင်း​ၸဝ်ႈ​ၼၼ်ႉ​ၸိုင် ႁဵတ်း​ရူဝ်ႇ​သေႇ​ၵူဝ်​ယမ်​ပေႃႈ​မႄႈ​တႃႉ။ ပိင်း​ၺၢပ်ႈ​ဢၼ်​ဝႃႈ​ၸိူဝ်ႉ​ၼင်ႇ​ၼႆ​ၼၼ်ႉ​ၸမ်ႉ၊ ပဵၼ်​ပထမႃႉ​ပိင်း​ၺၢပ်ႈ​ဢၼ်​ၸၢပ်ႈ​သႅင်ႇ​ၵၼ်​တင်း ၵတီႉ​ၸဝ်ႈ​ဢေႃႈ။

လုၵ်ႈ​လၢင်း​ၶဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ​သူ​ၸွမ်း​ၵႃႈ​ၼင်ႇ​ဢၼ်​မႅၼ်ႈ​တင်း​ဢလူဝ်ႇ​ၸဝ်ႈ​ၽြႃး​ၼၼ်ႉ​တႃႉ။ လွင်ႈ​တၢင်း​ဢၼ် ထွမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ​ၼၼ်ႉ ပဵၼ်​လွင်ႈ​တၢင်း​ဢၼ်​ၸွမ်း​ၼင်ႇ​တြႃး​ဢေႃႈ။