Popular Bible Verses from QOLASIYAASI SOKKA 3

Share

Ki'ne ki'neneewa koffi yitinoonni coye baala cincatenni agurre. Kiristoosi agurino'nente gede, ki'neno mimmiti'nera agurre.

Wo'manka woyite iima gordoho noo coye hedde ikkinnina, tenne gobbare heddinoonte.

Assitinannire baala mannaho ikkikkinni Mootichu Yesuusira assitinannihu gede taalu wodaninni asse.

Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe.

Maganu qaali wo'me hee'ro'ne; egenno baalatenni mimmito'ne rosiissenna seejje. Faarsotenni, guwishshunninna, geewotenni, Magano wodani'nenni galattinanni faarse. Magano Anna isinni galattinanni coyi'ratenni woy loosunni assitinannire baala Mootichu Yesuusi su'minni asse.

Kuri duuchunku aleenni duuchanka xaadise, wo'ma mittimma aannoha baxille uddidhe.

Xa Kiristoosi ledo reyotenni ka'inoonniha ikki geeshsha, Kiristoosi Maganu qiniiteenni ofolle noowa iima gordoho nooriwa wodana'ne hakko gashshe.

Mitte mannimma biso ikkitine woshshantinoonnihu keerehootina, Kiristoosi keeri wodani'nera mooho. Galatu mannano ikke.

Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti.

Ki'ne reyitinoonni; heeshsho'neno Kiristoosi ledo Maganunniwa dahaabbe no.

Xa kayinni hanqo, aara, bunshe, xono, afimala hasaawa baala suume'nenni hunne.

Mimmiti'ne ledo kapho coyidhinoonte. Akkala mannimma loosise ledo mulqitine tugginoonnina. Kalaqinohu daninni egennotenni haaroo'mitannota haaro mannimma uddidhe.

Ki'ne labballo! Minaama'ne baxxe; kakkachoota ikkitinoontensa.

Ki'ne ooso! Mooticha hagiirsiisanno coye ikkino daafira, baalunku coyinni iltino'nerira hajajammensa.

Ki'ne meento! Mootichu albaanni hasiisanno coye ikkino daafira minaanni'nera hajajamme.