Popular Bible Verses from LAYINKI QORONTOOSI 4

Share

Ninke illetenni leellannoha ikkikkinni leellannokkiha illachinsheemmo. Illetenni leellannohu shiima yannalla keeshshanno; illete leellannokkihu kayinni hegereho.

Kunnira, wolqa diba'neemmo. Gobbayidi manninatinke ba"annoha ikkiro nafa, giddoyidi manninatinke barru barrunkunni haaroo'manno. Kuni shetisannonkehu shiimu sa"anno qarri, hakko qarrira aliidiha dhaggeeffantanniha hegere ayirrinye haa're daannonke.

Ninke wo'munku raginni miicammoommo; ikkeennano dishenteemmo. Garuno bainonke; hexxo kayinni dimudhineemmo. Xiiwammoommo; ikkirono dihawammeemmo. Ganne tunganninke; ikkeennano diba'neemmo.

Tini jawa wolqa Maganunnite ikkinnina ninketa ikkitinokkita leellishate, kuni miinji doru uduunnichi giddo no.

Ammantinokkiri Maganu lawishsha ikkinohunniha Kiristoosiha Danchu Duduwi xawaabba ayirrinyunniha affannokki gede, wodanansa tenne gobba magani beeshshino.

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.