Popular Bible Verses from LAYINKI QORONTOOSI 5

Share

Kunnira ayino Kiristoosinni hee'riro haaro kalaqamaati. Akkalu sae ha'reenna kune haaru dayino.

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.

Ammanatenni ikkinnina la"atenni dihee'neemmo.

Kuni baalunku, ninke isinii ledo Kiristoosi widoonni qole araarsihunna araarsate soqqansho uyinonke Maganiwiinni dayino. Hatto yaa, Maganu Kiristoosi widoonni qole kalqe isinii ledo araarsino yaate. Saonsa dikiirino; ninkerano araarsate sokka uyinonke.

Kunnira, Maganu manna ninke widoonni qole woshshanno daafira, ninke Kiristoosi lekkaati. Kunni daafira, «Maganu ledo araaramme!» yine Kiristoosi su'minni huucci'neemmo'ne.

Lubbotenni noori, insa daafira yee ree, reyotenni kainohu daafira ikkinnina insaneete heedhannokki gede isi baalunkura yee reyino. Kunni ka'a ayeno mannu hedanno garinni dihendeemmo. Kiristoosano hakko garinni hendoommoha ikkiro, kunni ka'a hakko garinni dihendeemmo.

Kiristoosi mitte hige baalunkura yee reyinota egenninoommo daafira, baxillisi fula ho'linonke. Kunnira baalunku isi reyo gutamino.