Popular Bible Verses from Macaafa Isaayaas Raajichaa 40

Share

inni warra dadhabaniif humna in kenna, warra aangoo hin qabneefis jabina in kenna

ijoollonni in dadhabu, in mudhukus, dargaggoonnis gufatanii in kufu; warri Waaqayyoon abdiidhaan eeggatan garuu humni isaanii in haareffama; akka joobiraas baalleedhaan ol in ka'u; in fiigu, garuu hin dadhaban, in adeemu, garuu hin mudhukan*.

Ati hin beeknee ree>> Hin dhageenyeesii ree>> Waaqayyo, gooftaa bara baraan jiraatuu dha, inni isa guutummaa biyya lafaa uumee dha; inni hin mudhuku, hin dadhabu, hubannaa isaas namni qoree bira hin ga'u*

Sagaleen nama lafa onaa keessaa lallabu tokkoo, <<Waaqayyoof karaa tolchaatii haraa, lafa duwwaa keessattis karaa gooftaan keenya irra adeemu qajeelchaa!

margichi in coollaga, daraarichis in harca'a, dubbiin Waaqayyo keenyaa garuu bara baraan dhaabatee in hafa>> jedhi!>> jedhe*.

Yommus ulfinni Waaqayyoo in mul'ata, Waaqayyo ofii isaatii kana waan dubbateef, namni hundinuu kana arguuf jira>> in jedha.

Dachaan hundinuu ol haa kaafamu, tulluun, gaarris hundinuu haa kuffifamu! Inni bu'aa-ba'iin diriiraa haa ta'u, inni wal caccaalaanis wal haa qiqixxaatu*!

inni akka tikseetti hoolota isaa in tiksa, ilmoolees harka isaatiin walitti in sassaaba, kaasuutti isaan in baata, haadhotii hoolotaa warra hoosisanis suuta jedhee in oofa*.

Mee ol jedhaatii ija keessaniin ilaalaa! Urjoota kana hundumaa eenyutu uume>> Macca isaanii lakkoobsaan eenyutu gad yaasa>> Hunduma isaaniis maqaa maqaadhaan in waama, inni humna-qabeessaa fi aango-qabeessa waan ta'eef, isaan keessaa kan dhabamu tokko illee hin jiru*.

Isa guutummaa biyya lafaa gara irraa taa'utu isa uume, warri lafa irra jiraatan isa duratti qorophisa in fakkaatu; inni waaqa akka golgaa in diriirse; akka dunkaana keessa jiraataniis isa in dhaabe*.

Garaa saba Yerusaalem kan rukutu dubbadhaatii, cubbuu isaa hundumaaf harka Waaqayyo keessaa adaba dachaa lama akka fudhate, barri inni garbummaatti rakkachaa ture akka raawwate, yakki isaas akka dhiifameef, itti himaa!>> jedha*.

Sagaleen tokko,<<Labsi!>> utuu jedhuu nan dhaga'e, ani immoo kana irratti,<<Maal jedhee labsu?>> nan jedhe; inni immoo deebisee, << <Namni hundinuu akka margaa ti, miidhagummaan isaanii hundinuus akka daraaraa bakkee keessaa ti; yommuu Waaqayyo hafuura isaanitti baafatu, margichi in coollaga, daraarichis in harca'a; dhugumaan sabichi akka margaa ti

Kunoo! Waaqayyo gooftaan humnaan in dhufa, irree isaatiinis in mo'a. Kunoo! Gatiin inni namaaf kennu isa harka jira, miindaa isaas of duraa qaba*

Waaqayyo keessan,<<Jajjabeessaa! Saba koo jajjabeessaa*!

Eenyutu bishaanota harkaan hammaaree safare>> Eenyutu waaqota taakkuudhaan safare>> Eenyutu biyyoo lafaa guubootti naqee fixuu danda'a>> Eenyutu tullootaa fi gaarota madaalii irra kaa'a>> Eenyutu humna hafuura Waaqayyoo shallaguu danda'a>> Eenyutus Waaqayyoon gorsee barsiisuu danda'a>> Inni eenyuun gorsa gaafata>> Yaada ogummaa eenyu irraa argata>> Karaa qajeelaa eenyutu isa barsiisa>> Beekumsa ittiin hubatus kan isa barsiisu eenyu*?