Popular Bible Verses from Mathiew 6

Share

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

«Kiper manøgønø, kär dee gïn lääŋŋu kiper diøø. Kiper diøø dëëre olääŋŋe keere. Cäŋ man nø da moe.

«Kiper manøgønø, a cäänna uuni, ni kär dee gïn lääŋŋu kiper jwïëyu, ki gïïo cammu, wala gïïo maathu, wala gïïo røøu dëëtu. ?Aŋø, ba letha per jwïëy ki cam, ni leth per dëëlli ka abïïe?

'Ba kanyo wäro lämï, ci yi ødï ni cïëgï odhuulu bäätï ni lämï jï Wäru ni en maal ni wø ba neen. 'Ba Wäru ni en maal, ni wø neet gïn mo kuc, ïïno ŋade.

Kiper manøgønø, wäru wø lämu na ennønø, «ni ‹Wääwa ni en maal, nyeŋŋï wøør, buyï ööe. Beerra man tïm mana manynyï ni di tïïö bäät piny kaawat man bëëde ni di tïïö maal enø.

Mëëk wa caapwa waŋcäŋi

ni weyï moa bacwa, keda man wø wecwa mo wø bac jø møøki dëëtwa.

Kär wa bwøth kany mo wa di päänynyö yie, 'ba piem wa cer ŋata raac.›

«'Ba ni näk moa bac jiyi weyu wiiø, Wääu ni en maal thuwø moa bayu wiie wiiø.

Raŋŋu wec maal mø. Ge ba pïïdhö, ni ge ba kääö, ni ge ba cuŋ yïth odïï. 'Ba Wääu ni en maal ge wø poot caame caamø. ?Aŋø, ba letha peru ki geni?

«Kär dëëtu kännu ki jammi bäät pinyi en, ni da alweela ki nyal mo raanynya ge, ki kuuwe mo turö ki uudi mo kwädö. 'Ba kännu dëëtu ki jammi maalø, kanya näk yie bäŋ alweela ki nyal mo räänyö, ni bäŋ kuuwe mo turö ki uudi mo kwädö. Kiper kanyo kanï japï yie, cwïnyï oen yie thuwø.

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

?'Ba ni näk Jwøk luum mo ena yi pwöla ee døøc mo mïërö, ni bëëdö ni mar dïcäŋi ni diøø leeŋa maac, a uuni, u bäŋ dee gwøø ni kaala manøgø, u ni ŋäädhe maru thiinh en?

'Ba kanyo wäro cïpï ki jammi jï jøøa can, kär niï wëëga cer caamï ŋäc gïno tïïc cer cwïïï, kiper nee japa cïpï bëëde ni kuc. 'Ba Wäru ni en maal, ni wø neet gïn mo kuc, ïïno ŋade.

«Gwøgu rou nee tïïc mo beer ba tïïyu nyïm jiy kiper nee neenge. Kiper ni näk ma enøgønø, bäŋ gïn mo jootu baŋ Wääu ni en maal.

«'Ba kanyo wäro lämu ki lam-wödö, kär nyeŋŋu døøyu mo can kaawat man wø tïïc jø atade. Kiper geni dëëtge wø wecge wiiø no ocweer nee wödö marge joot jiyi. Adïëri møn, a caana gø jïïu, ni mana doo ci jïge, anø jootge. 'Ba kany wø wödï, lwøk nyeŋŋï ni wïïrï wïïï ki maaw, nee wödö marï ba joot jiyi, 'ba beeye Wäru ni en maal ni wø neet gïn mo kuc, noo joot gø. 'Ba Wäru ni en maal, ni wø neet gïn mo kuc, ïïno ŋade.