Popular Bible Verses from Mathiew 7

Share

«Pëëu, ocïp jïïu. Cääu, ojootu. Dööŋu, ojap jïïu.

Kiper jiy bëët mo wø pëëö, wø di cïbö jïge. Ni ŋat wø määnyö, wø joode joodø. Ni ŋat wø dööŋö, wø di jabø jïre.

«Kiper manøgønø, jiy bëët mo wø wïny luupa ii, ni tïïcge ge, caala ŋat mo wïïe leer, mo øde ee geer bäät kïdi.

Kiper manøgønø, gïn wäro manynyu nee tïïc jiyi jïïu, wär wø tïïyu jïge thuwø. Kiper manøgø beeye tier pwöc mana en yïth ciik Jwøk ki luup moa køp nyïïkuk Jwøki.

'Ba dhi kiir man wø bwöth kar kwøw diiny, ni jööre teek, ni jø wø joot gø nøk.

«Dønyu ki dhi kiir mana diiny. Kiper dhi kiir man wø bwöth kar ränynyö päl, ni jööre laac, ni jø wø cii ki yie thööth.

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal, okääŋe nidïï ki man cïp gïï mo beyø jï jø wø pëëny eni?

«Kär dee ŋat mo ŋølu wøk, kiper nou ba ŋøl wøk. Kiper ŋøl mano ŋøllu, beeye noo ŋøl u wøk ki gø. Ni rumi man wø cïpu, beeye rumi mano duu baŋu.

'Ba jiy bëët mo wø wïny luupa ii ni ba tïïcge geni, ocaal ŋat mo wïïe bäŋ acaara, mo øde ee geer ya akwöö.

?Aŋø ni neetï ŋöömö man wø en waŋ cöögu, ni wïl wïïï ki cuudhö manø ni en waŋï enø? ?Na aŋø na diï köö jï cöögu, ni ‹Ööï nee ŋöömmo en waŋï enø käla wøk,› ni waŋï kiree da cuudhö?

«Gwøgu rou ki nyïïkuk Jwøk mo patha adïëri mo wø ö baŋu ni ge käära duup rööm, 'ba ki yïthge gena kwäänynye mo owär. 'Ba geno ŋäyu ki køør tïïe moge. ?Aŋø, nyïïomøki wø pønna dëët jer koodhi, wala nyïïolaam wø käla ro otwel?

Kiper jenni bëët mo wø beyø, wø nywøla nyïëdi mo beyø. 'Ba jaath mo raac wø nywøla nyïëdi mo reyø.

Jaath mo beer ba maar nywøl ki nyïëdi mo reyø, ni ö jaathi mo raac ni ba nywøle ki nyïëdi mo beyø.

'Ba jenni bëët mo wø ba nywøl ki nyïëdi mo beyø, ŋøda piny ni leeŋi maac.