Popular Bible Verses from Mathiew 5

Share

Ni bäŋ ŋat mo nyep lamba ni kïth gø tier dak, 'ba wø cïbe bäät tharabëëta, ni ö taye ni meeny yi øtø bäre. Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

«Uuna tac piny. Paac mo ogeer bäät thuur ba maar kan.

«Gwïëth en bäät jø wø cwïnyge tar, kiper Jwøk neenge neenø.

«Gwïëth en bäät jø wø näk owär kiper bëënynyö marge kaamar dhaanhø mo onäk käci ki riew, kiper geno wëëk jäŋö.

'Ba aani, a caana gø jïïu, ni mëërru ki nyïïmännu, ni lämu kiper jø wø caan uuni

«Gwïëth en bäät jø wø ŋäc can marge nyïm Jwøk, kiper buya käl maal beeye marge.

«Gwïëth en bäät jø wø tïïc bëët-mëër, kiper geno cwøl ni nyïï Jwøk.

«Gwïëth en bäät jø wø kïmmi, kiper cwïnyge di cømø.

«Gwïëth en bäät jø wø caanni ki køør bëëtö marge na beer nyïm Jwøk, kiper buya käl maal beeye marge.

«Gwïëth en bäät jø wø kunyö, kiper geno køny.

«Gwïëth en bäätu kany wø ö jiyi wø janyge uuni, ni caange uuni, ni kïthge bäätu ki teeŋ luup bëët moa reyø mo patha adïëri kiper nyeŋŋa. Yïthu mïnge ni kanynyu, kiper gïno mëëk uuni maal dwøŋ. Kiper nyïïkuk Jwøk moa kwøŋ bëëtö nou poodi, acaan jiyi na enøgønø.

«Gwïëth en bäät jø wø mwöl, kiper piny owëëk geni.

«Uuna acäbö mar piny. ?'Ba ni näk ma acäbö lawe obänhnhö, lawe ocäŋ døø kare nidïï? Bäŋ gïn mo røme ki gø këët, 'ba tiirra man weti ni nyøri ya jiyi ki tietge.

Kiper manøgønø, u doo bëëdö ni bëëtö maru bäre beer, kaawat man bëët Wääu ni en maal ni bëëtö mare bäre beer.

'Ba dwøl man wø caannu wär bëëde kare, nee maru jïëy wala maru kweer. 'Ba ni näk mo kööŋ meedu bääte, maneca käla baŋ ŋata raac.

«Awïnynyu na caani, ni ‹Waŋ cool ka waŋ, ni lëëö cool ka lëëö.›'Ba aani, a caana gø jïïu, ni kär kwörï coolï dëër ŋat mo tïïö ki gïn mo raac dëërï. 'Ba ni näk da ŋat mo dhööŋa ïïni ki thääŋ cwïïï, løk thääŋŋï maya jïre thuwø.

Ni näk waŋ cwïïï beeye wø wëëk ïïni bääyö, göön wøk, ni wetï gø. Kiper beerra eni ki man räny thääŋ dëërï mør, ki mana di dëërï bäre leeŋ yi maac kar ajäla. 'Ba ni näk cer cwïïï beeye wø wëëk ïïni bääyö, ŋul wøk, ni wetï gø. Kiper beerra eni ki man räny thääŋ dëërï mør, ki mana di dëërï bäre ci yi maac kar ajäla.