Popular Bible Verses from EFESUS 2

Share

Nir yi ninebe Ar Allah nen kenam erogo binaninggige mende o. Ar Kristus paga, Ar Allah nir ninake pulogo birige mende, nir erir lagu dogowak nen yiluk, erogo binaninggigemo o.

Kir Ar Kristus ebebar o yiluk waganggugupmo, Ar Allah kinakba nen ndil kinakige o. Kir ndilkinakige etoma, kir nen ekugup paga dek mende, eti Ar Allah kinakba nen we onggo dek arar ndil kinakige. Etiar ma, ir akuni nen, an kwak ndak o yiluk, woguk daktau mondok ndak dek o.

Wee Ar Allah iliti mondok pano nen, Ar nen etegerogon ninakba karige o. Nir Ar Allah iliti andalok eru mende, ekikdek tebelogo birugumo, ninebe warek welagagu o. Yabungga Ar Allah iliti pano ninakba nen, Ar nen Kristus ninom niniluk erogo binaninggigemo o. Ar Allah iliti pano nen, kir Ar nen kinagap Endarkigemo o.

Eta paga, nir Kristus Yesus ninom kunggugumo, Ar Allah nen nir mbogor taga mende etoma ar ninom wene onde dogowak yiluk, niniluk erogo binaninggige o.

Yogondak kir akuni kuro tekmana mende dek o, kir yogondak keluarga Ar Allah mende arar, nen kir kinebe omanggi mende arar o. Kinebe Ar Allah ebe inggi iyok, akburi oba kunik mende o. Kir ir ap nabi inom, ir rasul-rasul inom, nen o kedaga birugwa paga menek agokip o. Yugum kedaga obarne werek pano mende eti, Ar Kristus eti arar o.