Nggino yoga dogolir, Ar Allah nen kinilimo o liya ekdinagamo, kir Ar Allah nen ekdinagu andarige mende kinilu aga, Ar Allah nen akburi inake ye mende nde mende kado milogo wogorak nen yiluk, pulogo birige mende kinilu aga, eruwak nen yiluk, nggino yorir taga o. We, Ar Allah obarne ambik paga, nir ar akburi oba panggolek mende ninakla nen eritagwi eti, Ar Allah obarne elalin erir taga mende ma erir taga o. Ar Kristus arar kanggigemo, nen iluk erogo biluk, Ar ebe wolok, Ar Allah inggi ebema nggwe mbogor taga kokdirige kudi nen erir taga o. Ar Kristus wene onde menogo birigemo etoma, ap wene onde mende, agar taga yoma onde mende, obarne onde mende, inewe ai onde mende, inombaelak onde mende, ap amberak nen pudulogo onde dogowak yiluk barugwa mende, yogondak ya nen yabungga dogogun kudi, obogar wukdagwik menogo birigemo werek o.
