Popular Bible Verses from ኤፍ 4

Share

ዪንቲ̇ ኮሽ̇ኬ ዎል ዎልኣ ሚጪ̇ንቲዝ ኣስ ማ̈ቂ̇ብቴ፤ ጾ̈ሳ̇̇̈ዲ ክርስቶ̈ሳ ጎይባር ዪንታ̇ ናጋሪን ዪንታ̇ብ ኣቶ̇ ጌይኖንዲፌ̈ን ዪንታ̇ር ዎል ዎልኣ ኣቶ̇ ጌብቴ̇።

ካንባር ዪንቲ ዎል ዎልኣ ዳንዳኢሙታ̇ ዎይ ጋላስ ዪንታ̇ ዪርክ ዎቲሙታ̇ኬ ኮሺ̇ቲባርኬ ጋርዣባር ዶኢብቴ።

ዪንታ̇ ኖ̈ና ጋርታፖ ኢታ̇ ሶ̈ሎ ኬስካፖ̇ጋ̈ቤ ዎቲናካሬ ኮሺ̇ኖንዲፌ̈ኒ ሲስኪ̇ዝ ኣሳንቦ ኡፋይሲዝ ባዝኬ ሚ̈ንንዳብ ማ̈ቂ̇ዝ ባዝ ሶ̈ሊብቴ።

ኢታ ቆፊ፣ ዛላ̇፣ ጎይል፣ ዉይሳ፣ ቆ̈ሳኬ ኢ̈ት ማ̈ቂ̇ኖ ባዝ ዎይ ዪንታ̇ ጋ̈ልዳፖ̇ ፋ̈ይብቴ።

ዪንቲ̇ ጎይል ጎይሊ̈ርዶሪ ናጋራ ማ̈ቂዝ ባዝ ኦ̈ፒ̇ቴ፤ ዪንታ̇ ጎይሊምቦ ማ̈ሪቲ ጌላካ̇ይዶር ኣቃ̇ፒ̇ቴ። ማ ሴ̈ጣናቦ ጎይ ፊርቃ̇ፒ̇ቴ።

ዪንቲ̇ ሚን ዶኢኖ ዶኢን ጎይ ዓት ታማ̈ሪኔ፤ ዪንታ̇ ባሊር ናጋራ ኦ̈ምፔን ቲ̈ናዝ ኢታ̇ ኢኒ̇ንባር ኢ̈ቲኖ ሚኖ ዪንታ̇ ኣሲቲንዶ ዪንታ̇ ጋልዳፖ̇ ጋ̈ራር ቶጚብቴ። ዪንታ̇ ቡ̈ዳ ጋርታ̇ ዎ ቆፋ̈ዲ ጌ̈ሻ̇ ኣያ̇ናባር ኦራ ማ̈ቆጋ̈ቤ። ኪን ጺሊ̇ቲባርኬ ጌ̈ሺ̇ቲባራ ጾ̈ሳ̇ ማይጻንፔ̈ኒ ኮቺ̇ንቲ̇ኖ ኦራ ኣሲቲን ማኢብቴ።

ሳሪቲባር ዎል ፔታ̇ን ማ̈ቃሪ ጌ̈ሻ̇ ኣያ̇ና ጋልዳፖ̇ ቤንታ̇ዝ ፔቲቲን̇ ዪንታ̇ ጋልዳፖ ያካ̇ይፌ̈ኒ ሚ̈ጛር ና̈ጊብቴ።

ኣሳንቦ “ኪልስ ኢሚ̇ኖ ኢያ”፤ ኢያሬ ፔታ̇ን ፔታ̇ናን ሃዋ̈ራታ፤ ፔታ̇ን ፔታ̇ናን ና̈ቢ፤ ፔታ̇ን ፔታ̇ናን ዎጛላ ሳባ̇ኪዝ ኣሲ፤ ፔታ̇ን ፔታ̇ናን ኣማ̇ኒዝ ኣሳን ዬ̈ጚዝ ኣስኬ ታማርሲዝ ኣስ ማ̈ቃምፔን ዎቲዴ። ዪኖ̇ ኢ ኦ̈ኖንዳ ክርስቶ̈ሳይ ማ̈ቂ̇ኖ ኣሳን ሚ̈ጛምፔ̈ንኬ ኢንቲ ጾ̈ሳ̇ ኦ̈ሳ ኦ̈ምፔ̈ኒ ጊ̈ጊንቲ̇ኖ ኣስ ማ̈ሳንዳቦ። ዪና̇ሬ ኑ ዎይን ጾ̈ሳ̇ ና̈ኣ ኤራሪ ኣማ̇ናባር ቤንቲ̇ኖ ፔቲ̇ቲንኮ ዬላ̇ሪ፥ ኑ ኣማ̇ኒንባር ሚ̈ጛሪ ክርስቶ̈ሳ ማ̈ይጻምፔ̈ኒዬ።

ዪዚ ኑ ዓኒ̇ፖ̇ ጌዳ ኣሲ ኑ̈ና ዉጫባራ ባሊሙታ̇ኬ ቃልቂንቺ̇ሙታ ዱማ ዱማ ማቃ ቲሚርታ̇ባራ ኣይጊኬ ዋ̈ሳ ጋልዶ ዉርጊንዲፌ̈ኒ ጌዳክ ዓኒክ ኤንኢሙታ̇ ኣቂሊ̇ ናኢ ማ̈ቂ̇ባ̈ዳ። ዪኖ̇ ኣሻ̇ሪ ኑ̈ኒ ኪን ማ̈ቂ̇ኖባዚን ካንባር ሶ̈ሊሙታ̇ ባዝ ዎይ̈ባራ ዎይ̈ፖ̇ ሾ̈ክ ጋር ቆ̈ም ማ̈ቂ̇ኖ ክርስቶ̈ሳክ ዲጪ̇ስቶ።