Popular Bible Verses from ኤፍ 5

Share

ዪዚ ዪንቲ̇ ካንቲ̇ኖ ና̈ኢፌ̈ኒ ጾ̈ሳ̇ ማ̈ይጻር ዶኢብቴ̇። ክርስቶ̈ሲ ኑ̈ና̇ ካኖንዲፌ̈ንኬ ጾ̈ሳ̇̇̈ቦ ኡፋይሲዝ ኮሽ ሳዉቂዝ ዣ̈ርሻፌ̈ን ማ̈ሃር ፌ ሼምፒ̇ን ኑ ጊሻ̇ቦ ጋ̈ር ዓይቃ̈ብ ኣ̈ ኢሚ̇ኖንዲፌ̈ኒ ዪንታ̇ር ዎልዎልኣ ካንባር ዶኢብቴ̇።

ዪዚ ዪንቲ̇ ዎዛርፌ̈ን ዶኣንዳብ ኮሺ̈̇ርኮ ኮሺንቻ̇ር ቆፒ̇ብቴ፥ ኤ̈ራንፌ̈ን ማ̈ቂብቴዶኬ ኤ̈ሪ̈ ባዮ̇ ኣስ ማ̈ቃፒ̇ቴ። ዓና̇ ላይንዳ ኢ̈ት ማ̈ቂ̇ኖኮታ̇ቦ ዪንቲ̇ ኮሽ̇ ባዝ ኦ̈ንዳብ ዪንታ̇ብ ቤንቲ̇ኖ ኬ̈ሊን ኢዝባር ኮሽ̇ባዝ ኦ̈ብቴ።

ዪንታ̇ ይሲዝ ጎይ ቲ̈ኒዛኮታ̇ቦ ዎይና ጃ ኡሽኪ ማሲታፒ̇ቴ ዪኖ ዎታናፖ̇ ጌ̈ሻ̇ ኣያ̇ናባር ኩሚብቴ። ዪንቲ ዎል ዎልኣ ሚ̈ንንዳቦ ማዝሙራ ዬጺ̇ሙታ̇፥ ማ ፎቲ ቡ̈ዳፖ ጎዳ ማዝሙራባር ጋላቲብቴ፥ ኑ ጎዳ̇ ዬሱ̈ስ ክርስቶ̈ሳ ሱ̈ምባራ ዎይ ባዛቦ ጾ̈ሳ̇ ባ̈ባ̈ ዎይ ጋላስ ጋላቲብቴ።

ዪ̈ኮታ̇ቦ ጎዳ̇ዲ ኮያዚን ኣብዚኮ ኢዞ ቆ̈ፓ̇ር ኤሪብቴዶኬ ቦ̈ዛ ኣስ ማ̈ቃፒ̇ቴ።

ኣስኒንታ̇ን! ክርስቶ̈ሲ ዎ̈ሳ ኬ̈ን ካኖንዲፌ̈ንኬ ኢዝ ጊሻ̇ብ ፌ̈ና ዓይቃብ ኣ̈ር ኢሚ̇ኖንዲፌ̈ን ዪንታ̇ር ዪንታ̇ ማጫ̇ን ካብቴ።

ዪንቲ̇ ዓኒ̇ፖ̇ ቲ̈ን ም ጋርታ̇ ዎ፥ ዓት ዪንቲ̇ ጎዳ̈ባር ፔታ̇ን ማ̈ቂ̇ኖኮታ̇ቦ ፎኢን ጋርታ ዎ። ዪ̈ኮታ̇ቦ ፎኢን ጋርታ̇ ዎ ኣሳንፌ̈ን ማ̈ቃ̇ር ዶኢብቴ።

ክርስቶ̈ሳብ ኢ̈ጫሪ ዪንታ̇ ጋርታ ፔታ̇ና ፔታ̇ና̈ቦ ኪቲ̇ንታጋ̈ቤ።

ማጫ̇ን! ዪንቲ̇ ጎዳ ዬሱ̈ሳብ ኪ̈ቲንታ̇ዚንዲፌ̈ኒ ዪንታ̇ ኣስኒንታ̇ንብ ኪ̈ቲንቲ̇ብቴ።

ዎቲናካሬ ዪንታ̇ር ማ̈ቂ̇ን ኣስና̈ዲ ፌ̈ና ካዚንዲፌ̈ኒ ፌ ማጪ̇ን ካጋ̈ቤ፤ ማጪ̇ንዳሬ ፌ ኣስና ቦንቻ̇ጋ̈ቤ።

“ዪ̈ኮታ̇ቦ ኣሲ ፌ ባ̈ባኬ ፌ ኢንዲ̇ኬ ኣሻ̈ሪ ፌ ማጪ̇ምባራ ዎልኣ ፔታ̇ን ማ̈ቂሬ፤ ኢንቲ̇ ዎልኣ ፔቲ̇ ኣይሽ ማ̈ቂ̇̈ሬ” ጋ̈ሪ ጻ̈ፊንቲ̇ኔ።

ኣ̈ፊ ባ̈ዮ ም ኦ̈ሳ ጋርታ ጌሊ ኢና ቡሺንታ̇ፒ̇ቴ፤ ኢዝ ጋርታ ጌሊ ቡሺንታናፖ̇ ኢዞ ፋላ̇ ጋልዳ ኬሳ̇ር ቤይሳንዳብ ኮሺ̇̈ሬ።