Popular Bible Verses from इफीसियन 2

Share

काहेकि हम पंचे परमातिमा के बनए आहेन; अउर ऊँ यीसु मसीह के द्वारा हमहीं पंचन काहीं एसे बनाइन हीं, कि हम पंचे निकहे कामन काहीं करी, जिनहीं परमातिमा पहिलेन से तइआर किहिन हीं, कि जउने हम पंचे उँइन कामन काहीं करत आपन जीबन बिताई।

काहेकि परमातिमा के बड़ी किरपा से हम पंचे यीसु मसीह के ऊपर जउन बिसुआस किहे हएन, ओखे द्वारा हमहीं पंचन काहीं मुक्ती मिली हय, अउर इआ हमहीं पंचन काहीं हमरे कइती से नहीं मिली, बलकिन इआ परमातिमा के दान आय। अउर इआ मुक्ती हमरे भले कामन के द्वारा नहीं मिली आय, कहँव अइसा न होय कि कोऊ घमन्ड करय।

पय परमातिमा जउन खुब दयालू हें; ऊँ अपने बड़े प्रेम के कारन, हमसे पंचन से प्रेम किहिन हीं। अउर जब हम पंचे अपने अपराधन के कारन मरे रहेन हँय, तब परमातिमा जइसन यीसु मसीह काहीं मरेन म से जिआइन, उहयमेर हमहूँ पंचन काहीं जिआइन हीं; (परमातिमा के किरपय से हमहीं पंचन काहीं मुक्ती मिली हय)

काहेकि हम पंचे यीसु मसीह के ऊपर बिसुआस किहेन हँय, एसे परमातिमा हमहीं पंचन काहीं मसीह के साथ पुनि जिआइन हीं, अरथात परमातिमा हमहीं पंचन काहीं नबा जीबन दिहिन हीं, अउर यीसु मसीह के साथ स्वरग के जघन माहीं बइठाइके, राज करँइ के अधिकार दिहिन हीं।

एसे तूँ पंचे अब बिदेसी मुसाफिर नहीं रहि गया, बलकिन पबित्र लोगन के साथी अउर उनखे देस माहीं रहँइ बाले परमातिमा के घराना के होइ गया हय। अउर तूँ पंचे एकठे अइसा घर बन गया हय, जउन यीसु के खास चेलन अउर नबिअन के नेव के ऊपर खड़ा हय, अउर खुद यीसु मसीह जेखे कोनमा के पथरा हें।