Popular Bible Verses from Maroko 13

Share

Owa dai nofa dai‑ya mai nafi kakaboneni. Owa oni dai saatonakosi awiriya, dai sibaraboneni.

Dai noko wadahi. Dai‑ka Ayo neme‑ke kobonebona, hika mahi dai wato awirani.

Dai‑ya mai watiya, dai‑ya mai kahabaniya, dai ati‑ya mai mitabone, dai atibodi yama‑ya kadikariyahi. Deoso‑ka Doni ene yama‑ya dai watowahabone, ati‑nima dai ati yananahi.

Owati‑nima yama naboneni. Neme, bofe na, ababisabone, owati‑ta abateraboneni.

Dai‑ka Ayo neme‑ke amoni, hika ora ne dai watorihi, Deoso‑ka yo‑yose neme‑ya mai sawe, mai hiwatorihi, Deoso Bidi hini amoni‑ya watorihi nane. Okobi ohari hiwatobisineni.

Wami hidi mai ibi nofaraboneni. Mai‑ka sodado mai‑ya mai yoseya, mai‑ka sodado mai ibi taonabone, mai tamine dai mitiya, dai habo siitoriyahi. Yama faina‑bone koboni awisarini. Yama one‑ya kobonaboneni.

Nokobi‑ya wa‑waa yama‑ya anine, noko wadi‑nima dai noko wadahi. Dai‑ka Ayo neme‑ke kobonebona hika mahi dai watorihi, hika ora dai watorihi, dai na, mahi toke toha, yama soki bai toha, yama wahi yanatoni toha, yama wahabisari toha na, yama dai wato awirini. Mai amona mai‑nima dai riyahi. Dai noko wadahi. Dai‑ka Ayo neme‑ke kobo kanibote nebonane. Dai fa‑famaraba na dai sawe, dai‑ya ohiyara, mai nafi‑ya ohiyarahari neni. Dai noko wadahi!” Yeso ati nematane.

Owati dai mitamatasahi. Wami one‑kaya mai wi‑wina mai‑ka sodado ahini‑kaya mai kakeboneni, mai dami‑ya mai nanahababonehe. Ahini‑kaya mai wi‑wina mai‑ka sodado maa kowani‑kaya mai toka naboneni, mai‑ya mai nanahababonehe. Wami wawawakana, mai dami fimi ihi mai aba naboneni. Haa‑nima yama na dai awiya, yama faina‑bone koboni yanatoneni. Fana dori wadabone dori kome yanani kita, dori wada kanibote na‑nima yama na tiwiya, yama faina‑bone yana kanibote naboneni.

Fara mai tabori nafi‑ya mai wi‑wina Deoso ati amosabote tamine‑ya mai miti dai tohiya, yama faina‑bone yananaboneni.

‘Deoso‑ka Ka‑kadika ama·oni.’ Mai dama mai ati naboneni. Mai‑ka keyehe‑ya mai dama mai nofawahaboneni.

Dai noko wadahi. Mai‑ka hidi bidi mai dama mai‑ya dai‑ya mai daanabone, Deoso‑ya mai hi‑hiyara‑ke yobe‑ya dai‑ya mai bisinaboneni. Yara mai‑ka kofenado mai toha, mai‑ka hidi webote mai toha na, mai ati ihi dai‑ya mai wataboneni. Mai noki‑kaya dai nahoya, owa tamine‑ya mai‑ya dai hiyaraboneni.

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kitaboneni, Deoso‑ka dai toha mai‑ka keyehe‑ya dai nofabonehe.

Dai‑ya mai bisina mai amoni tosiyoya, mahi wehene fawa, abariko wehene fawa, amowa mai dama bofe‑ya mai fororo, neme‑kaya yama nafi wawawakana naboneni.