Popular Bible Verses from Maroko 14

Share

“Abi Deoso, kitabote amatini. Yama kobonabone onofarini. Owati‑nima yama riyahi. Hini tiwati‑nima yama nibisiyahi.” Yeso ati nematane.

Dai noko wadahi. Deoso‑ya dai hiyarahi, Satanasi ati‑ya dai tokadabarabonehe. Dai atibodi amosa, dai abano kitarani.” Yeso ati nematane.

Owati amosa dai mitahi. Yama nafi‑kaya Deoso ati amosabote tamine‑ya mai hiyariya, fana ihi amosa tamine‑ya mai hiyarahareboneni.” Yeso ati nemarine.

Mai 3 toha mai‑ya Yeso hiyare, “Owatibodi yawi kitini. Fara yawa ihi o·abi yanatoneni. A‑ahi‑ya dai naha, dai noko wadahi.” Yeso ati nematane.

Mai tafa, baho‑ya Yeso damane, Deoso‑ya hiyare, baho‑ya bakanakose, hika mai da‑daba mai‑ya baho‑ya daane, ati yanane, “Dai kabahi. Owa abano tamine‑bone amani.” Yeso ati nematane.

Keneko‑ya fino‑ya Yeso damakane, Deoso‑ya hiyare, fino‑ya mai‑ya daane, fino mai nafi fawameteni. Fino‑ya mai fawiya, Yeso ati yanane, “Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.

“Dai kananabone, owa‑ya dai dabamaraboneni. Deoso‑ka yama hani ati‑nima yama nabone, ‘Kaneiro mai‑ya na‑nawada onahabiya, kaneiro mai kananaboneni.’ Deoso‑ka yama hani ati nineni.

Yeso tokomatase, kamatase, mai amonamatasameteni. “Dai dodafihi, dai amonaro. Hibayata Deoso ati‑ya mai tokadabara mai‑ya owa‑ya daanebona kamane, ahiyata‑ya. Dai nahomisamahi. Ai tokomahi.” Yeso ati nematane.

“Bedoro, owati timitahi. ‘Yeso owatorini.’ Tinabone, tiwati yanani 3 kaniya, arakawa haani famebonane.” Yeso ati nematane.