Popular Bible Verses from Maroko 12

Share

Deoso‑ka yama hani ati‑ya i‑di Yeso kamine, “‘Isara·eo‑ka dai amani, owati dai mitahi. Ai‑ka hidi webote i‑di Deoso tohe, owa wadaterene. Ai‑ka hidi webote i‑di Deoso dai nofi nafihi. Yama one dai nofi nafiriyahi. Deoso‑ta dai nokotonibisahi.’ Yama hani ati na, ati amosabote amani. Makobote Deoso‑ka yama hani ati, ‘Hini tiwa tinofi‑nima dai yakari‑ya mai sawe mai tinofiyahi.’ Yama hani ati namatasa, ati amosabote amani. Deoso‑ka yama hani one ati amosi bi‑bidi nibisateni.” Yeso ati nemarine.

hika mai da‑daba mai‑ya haane, ati yanane, “Owati amosa dai mitahi. Fana honita wahawama yama nafi‑ya daaneni. Mai one‑ta yama nafi‑ya mai daani awirani. Mai‑ka yinero dame, owa‑ya mai daana, mai‑ka yinero dame hasinane. Fana‑ka yama wadatera, hika yinero bidi fame‑ya daana, hika yinero owa hasini awire, tafe manakone‑bone‑ya daanibisineni.” Yeso ati nemarine.

Deoso‑ka yobe doro‑ya yinero weyene wai yowi‑ya Yeso itari, mai dama mai‑ya kakatome, Deoso‑ka yinero‑bona‑ya mai daana, mai one yinero webote dame‑ya mai kiha yinero webote‑ya mai daanamaroni. Fana kamake, maki abemata, honita wahawama, yahi hone wadara, hika yinero bidi fame‑ya daanamaroni. Hika yinero yorotokawame manakone i‑isi nemarine. Yinero daani‑ya Yeso awe

Deoso ai nofi nafibisahi. Ai‑ya ai nofi‑nima ai yakari‑ya mai sawe mai‑ya ai nofaharihi. Haa‑nima ai niya, Deoso ya‑yaini nafibonane. Yamata, bani ne Deoso‑ya ai daaniya, Deoso ya‑yaini bi‑bidi nebonane.” Maki ati nemarine.

“Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nemarine. Yeso ati‑ya mai mita, “Ka! Yeso yama‑ya watone.” Mai atibodi ati namaroni.