Popular Bible Verses from Lo kila gəl ne 13

Share

Lo-e gə nee le, may kunda kəm karə do rɔ gə: dəw gə to nje negərə nama may kar-ɛ ndole gəl kɔr da nee le, mba kɔr ne nee le ɔji dɔ dəw: ɗa tura kɔr-ɛ le to gə tɔl-tɔl misa̰ gə dɔg misa̰ gir-e misa̰.

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Nganje gə bubaje, bawje gə njendooje, ngan kujije gə ɓərəje, tɔ̰y ja n-ar d-ɔsə ndaji mə ji-je gə kɔl gə ose ɓida noje gə. Ɗaa dəw kara be kara a kasə ɗabə ne ose ndogo ne to gə ɓo ndaji godo rɔ-ɛ gə, ri da kɔr le ose kɔr ri-a.

To gə ɓo dəw gə kar d-uwa-a ɓərə nama d-a kuwa-a ɓərə. To gə ɓo dəw gə kar ꞌtɔl-ɛ gə kiya bayi nama d-a tɔl-ɛ gə kiya bayi. Kar gə nee le, to kar gə kar njerɔsangəje d-uwa gədərə dɔ takagə gə.

Ɗaa m-o da kɔr kara ce mə babo gə, gaji-ɛ dɔg ngaɓa dɔ-ɛ siri tɔ; ɗaa jɔgə mbay dɔg to gaji-ɛ gə, dɔ-ɛ gə tɔ ɗaa, ri gə ꞌtaji ne Luba to kəne kara kara tɔ̰y.

D-un ɗəw d-ar-ɛ kar n-ɗa ɗɔ gə njerɔsangəje n-cɛdə-je ɗɔ, ngaɓa d-ar-ɛ singamongə ko̰ dɔ gəl ka tɔ̰y, gə dɔ dəw mə ɓeje tɔ̰y, gə dɔ ndo̰ tar tɔ̰y, gə dɔ gəl kuji tɔ̰y tɔ.

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le. D-un ɗəw d-ar-ɛ n-ula kəm mə ndaji da kɔr gə le, n-ar-ɛ pa tar, mba kar na-na ɓa gə pol-e ang nama n-tɔl-ɛ.

Da gə m-o-e le ta naa gə makɔr, gɔl-ɛ to to gə kar njagəmanjɛr, t-ɛ ta naa gə ta ꞌnam. Ɗaa da kɔb ar-ɛ singamongə lə-a, gə ngəndəng mbay lə-a, ngaɓa gə singa ko̰ dɔ neje.

D-un ɗəw d-ar da kɔr cɛ̰ t-ɛ pa tar bɔsɔsɔ ngaɓa n-taji Luba n-tar-ɛ ne taar-taar; n-inga singamongə mba ɗa ne kula kəm nay dɔg sɔɔ gə gir-e gə joo.

Dɔ-ɛ gə kara horo mar-ɛ gə ta naa gə ne gə inga do gə asə yo be, ngaa do lə-a təl ərə kəgəsə. Lo tar igi dəwje gə d-isi dɔ nangə ne sɛl, ɗa ꞌtəl tɔ̰y d-um go da gə.

Ɗaa m-o da gə ɗangə kara ɔsə lo ce dɔ nangə gə. N-uba gaji-ɛ joo to gə ngon badəm, ngaa n-pa tar to gə da kɔb be. N-ɗa kula gəl da gə dɔngɔr gə, gə ɗəw singa ko̰ dɔ neje tɔ̰y gə ar-ɛ. N-ɗa n-ar dəwje tɔ̰y gə d-isi dɔ nangə nee ꞌpolo da gə dɔngɔr gə inga do asə kar-ɛ uy ɓa do lə-a təl ərə kəgəsə le.